De acordo co inquérito do CIS, o reparto de votos e escanos por circunscricións sería o seguinte:
A Coruña.
PP. 45,5% do voto. 13 escanos.
En Marea. 20% do voto. 6 escanos.
PSdeG-PSOE. 19,2% do voto. 5 escanos.
BNG. 5,1% do voto. 1 escano.
Ciudadanos 4,4% do voto. 0 escanos.
Lugo
PP. 51,2% do voto. 9 escanos.
PSdeG. 20,2%. 3 escanos.
En Marea. 15,9%. 2 escanos.
Ciudadanos. 4,3%. 0 escanos.
BNG. 3,5%. 0 escanos.
Ourense
PP. 50,5 % do voto. 8/9 escanos.
PSdeG. 19,5%. 3 escanos.
En Marea. 16,7%. 2/3 escanos.
Ciudadanos. 4,1% do voto. 0 escanos.
BNG. 3% do voto. 0 escanos.
Pontevedra
PP. 39,8% do voto. 10 escanos.
En Marea. 22,4% 5/6 escanos.
PSdeG. 20,9% 5 escanos.
BNG. 7,1%. 1 escanos.
Cs. 5,1%. 0 escanos.
No conxunto da Galiza, o prognóstico do CIS é o seguinte:
PP. 44,9% do voto (40/41 escanos).
En Marea, 19.9% do voto (15/17)
PSdeG. 19,9% do voto (16).
BNG. 5,3% do voto (2).
Cs. 4,6% do voto (0/1).
O inquérito foi realizado sobre unha mostra de 3.450 entrevistas, entre o 29 de agosto e o 2 de setembro.
O 35,8% das persoas que irán votar declaran non teren aínda decidido o seu voto
O 73,3% das persoas entrevistadas declararon ter intención de ir votar o 25 de setembro. O 35,8% delas afirmaron non teren aínda decidido o seu voto. Entre as persoas indecisas o maior grao de dúbida áchase entre o PSdeG e En Marea (o 12,1%) e, a seguir, entre o BNG e En Marea (6,8%).
Os dados son en xeral bastante positivos para o PP no que atinxe á avaliación do labor do goberno Feijóo. É moi sintomática a diferente visión que teñen as persoas entrevistadas sobre o estado en que se acha Galiza e o que apresenta España: un 26,6% consideran que a situación do noso país é moi boa (3,2%) ou boa (23,4%), en tanto que esa cifra baixa ao 6,6% (0,7% moi boa e 5,9% moi boa) cando se refiren ao Estado.
Coñecimento de candidatas e candidatos
No que atinxe ao grao de coñecimento das e dos aspirantes a presidir a Xunta, ningunha sorpresa. Feijóo é con moito o candidato máis coñecido, só o 1,5% afirma non saber quen é. A súa valoración é un 5,24, o único político aprobado polas persoas entrevistadas. Leiceaga (PSdeG) é coñecido polo 48,4% e obtén unha puntuación de 4,29. Saben quen é Ana Pontón (BNG) o 42,4% e ten un 4,47. A Villares coñéceo o 33,3% das persoas entrevistadas e a súa nota é o 4,62. Como fechacancelas aparece Cristina Losada, 31,9% de grao de coñecimento e unha puntuación de 4,07.