A Xunta da Galiza dá por estabilizado, mais non controlado, o incendio forestal da Gudiña (comarca de Vina), declarado contra as 13.18 horas desta segunda feira na parroquia de Pentes, despois de queimar 150 hectáreas.
Segundo os datos que vén de actualizar a Consellaría do Medio Rural na mañá desta terza feira, o lume da Gudiña quedou estabilizado a pasada media noite. Na extinción das lapas traballaron 10 helicópteros, oito avións, 20 brigadas, nove motobombas, oito axentes, catro pas e dous técnicos.
El turno presencial de #Brif Laza se encuentra ya descansando mientras el turno de disponibilidad sigue trabajando en incendio de Tameirón. #IFTameironAGudiña
— Diario de un Bombero (@BrifLaza) September 16, 2024
Así quedaron las botas de extinción después del intenso trabajo de hoy. pic.twitter.com/8W0QNjE3w0
Por outra parte, o incendio rexistrado no concello de Arbo (A Paradanta), parroquia de Mourentán, quedou extinguido na noite desta segunda feira despois de calcinar 22,7 hectáreas –a maioría de monte arborado e 1,8 hectáreas de raso–.
Este fogo iniciouse na noite do domingo e nas tarefas de extinción participaron: dous helicópteros, 24 brigadas, 23 motobombas, sete axentes, dúas pas e tres técnicos.
Ademais, continúa estabilizado, aínda sen controlar, o lume no concello ourensán de Laza (comarca de Verín), parroquia de Trez, que se iniciou na tarde do pasado domingo e afecta a unhas 60 hectáreas. Para combater as lapas mobilizáronse sete helicópteros, catro avións, 30 brigadas e 18 motobombas, entre outros medios.
Esta noche el equipo de disponibilidad de #Brif Laza se desplazó a otro incendio en lo que fue la intervención número 22. Actuó en la zona de Barxa y os dejamos una pincelada de lo que fue nuestra actuación. pic.twitter.com/dTgXPCpkGZ
— Diario de un Bombero (@BrifLaza) September 17, 2024
Desde a pasada sexta feira, a Xunta informou de cinco incendios forestais na Galiza. Ademais dos tres anteriores, outros dous xa extinguidos: un en Entrimo, na Baixa Limia, que afectou 0,01 hectáreas do Parque Natural Baixa Limia-Serra do Xurés, e outro no concello de Muíños, na mesma bisbarra, que arrasou 62,34 hectáreas, polo que nestes días arderon perto de 300 hectáreas.