Tres homes, traballadores da empresa Pinturas Gis de Carballo (Bergantiños), faleceron e outras dúas persoas resultaron feridas na colisión dun camión e unha camioneta tipo 'pick up' na N-VI á altura do municipio leonés de Carracedelo.
Dous dos empregados son veciños dos municipios de Carballo e Coristanco, respectivamente, segundo informan a Europa Press fontes consultadas.
🚑| Emergencias 112cyl | A las 9.20 h, hemos recibido llamadas en el @112cyl por este accidente en el que se ha tenido que avisar a bomberos puesto que había heridos atrapados.
— 112 Castilla y León (@112cyl) September 16, 2024
Más información: https://t.co/rNaq7PPfJr pic.twitter.com/jKPF3Z0pVR
O suceso tivo lugar minutos antes das 9.20 horas desta segunda feira, momento no que a sala de operacións do 112 Castela e León recibiu varias chamadas para avisar dun accidente no quilómetro 398 na estrada N-VI, Carracedelo (León).
Os avisos indicaron que un camión e unha 'pick up' chocaron frontalmente e que había tres persoas feridas no turismo que están atrapadas e necesitaban asistencia sanitaria.
Asistencia médica
O 112 informou deste accidente á Garda Civil de Tráfico, aos bombeiros de Ponferrada e a Emerxencias Sanitarias, que enviou dúas ambulancias de soporte vital básico, unha UVI móbil, o persoal sanitario do centro de saúde de Cacabelos e un helicóptero medicalizado.
O persoal sanitario que acudiu ao lugar confirmou o falecemento de tres persoas, e atendeu dous feridos, un no lugar do accidente e outro que foi trasladado ao Hospital de León en helicóptero medicalizado.