Ricardo Suárez
08/feb./23 8:30
O índice de produción industrial marca unha caída de 1,5% na Galiza durante o ano 2022, mentres que no mesmo período esta taxa aumentou en 2,4% no conxunto do Estado español. A industria galega obtivo a segunda maior baixada entre todas as autonomías e situouse entre as únicas catro que caeron durante o pasado ano. A metalurxia foi a actividade industrial que experimentou un maior retroceso (-29%) no país o pasado ano, mentres que actividade extractiva (+43,3%) foi a que máis medrou.