Sanidade

Tanto as persoas con idades comprendidas entre os 12 e os 59 anos -con algunha condición de risco-, como as persoas de 60 e máis anos, poden facer uso do sistema de autocita para seren vacinadas no seu hospital de referencia.

O presidente defende formar menos médicas do que permite o Estado.

A combinación da vaga de infeccións respiratorias propia desta época e a falta de recursos e dun plan de continxencias satura Atención Primaria e sitúa Urxencias ao bordo do colapso, segundo denuncian usuarios e profesionais. E o pico desta vaga aínda está por chegar.

O TSXG conclúe que a Administración "non esgotou a investigación á que viña obrigada pola reprobábel actitude do xefe do servizo e da persoa ou persoas que accederon indebidamente ao historial clínico".

As enfermidades mentais aumentaron durante a pandemia. Mentres as persoas profesionais advirten dun importante aumento das patoloxías, concentradas de modo particular entre a adolescencia, a falta de medios dificulta unha resposta máis eficiente aos crecentes problemas neste ámbito.

Este é o testemuño dunha paciente do Sergas afectada polas listas de espera ao que tivo acceso 'Nós Diario'.

O Chuac e o Chus realizan transplantes de corazón, pulmón, páncreas, fígado e ril.

Mañá, 27 de decembro, é o Día Internacional para a Preparación ante as Epidemias. Con este motivo, 'Nós Diario' analiza con persoas expertas se a sociedade está preparada para enfrontar novas pandemias e enfermidades que poidan azoutar o mundo.

A Consellaría de Sanidade anunciou esta sexta feira que a campaña de vacinación da gripe e da Covid-19 amplíase até o próximo 12 de xaneiro. As persoas de máis de 60 anos, embarazadas e as pertencentes a grupos de risco teñen dispoñíbeis os hospitais públicos galegos para vacinarse de maneira conxunta de gripe e Covid e, ademais, nos centros de saúde administrarán a vacina da gripe, dirixida tamén a crianzas de 6 a 59 meses.

Desde a CIG-Saúde condenan "as políticas de apartheid e violencia, tanto física como simbólica, psicolóxica e económica, do estado de Israel contra a poboación árabe da Palestina".

O deputado do PSdeG Julio Torrado forzou esta quinta feira unha comisión con 78 preguntas en materia de Sanidade que a Xunta da Galiza non respondeu en algo máis de tres anos, o que cualificou de "indecente". Con todo, tras a resposta de varias das cuestións que se propuxeron, decidiu retirar a gran maioría, unha vez, iso si, contestadas varias delas e de evidenciar unha situación "irrespectuosa cos dereitos dos deputados e das deputadas". 

20 pacientes graves agardaban a seren atendidos e 38, polo ingreso.

A prexudicada era unha muller de 24 anos de idade no momento dos feitos, en 2007, cando foi derivada ao CHUS para ser intervida por un suposto tumor no intestino, coa sospeita de que tiña un cancro colorrectal.

O Ministerio de Sanidade a través da titular da carteira, Mónica García, e as Comunidades reúnense esta quinta feira nun pleno presencial do Consello Interterritorial do Sistema de Saúde para presentar o proxecto de Real Decreto polo que se estabelece a especialidade de Urxencias e Emerxencias. Igualmente, someterase a aprobación o Protocolo Común do Sistema de Saúde para actuación sanitaria fronte á violencia sexual. Na reunión vaise presentar, ademais, o 'Informe sobre a Avaliación do desempeño do Sistema de Saúde español fronte á pandemia de Covid-19'.

Esta mobilización dá continuidade ás realizadas en semanas anteriores en diferentes puntos do país exixindo melloras na Sanidade ao Goberno do PP.

A vellez actúa como un factor que limita o acceso aos servizos básicos. Un relatorio da Rede Europea de Loita contra a Pobreza (EAPN) destaca a discriminación das persoas maiores de 65 anos á hora acceder á atención sanitaria. A situación é peor para quen conta con menos recursos económicos.

O persoal da sanidade privada na circunscrición da Coruña secundou esta quinta feira unha nova xornada de folga convocada pola CIG, CCOO e UXT para reclamar un novo convenio. O seguimento foi "importante", segundo sinalou o responsábel da CIG no sector, Miguel Tizón, que estimou que nalgúns hospitais como o Quirón Saúde e o HM Modelo, ambos na cidade da Coruña, foi de 100%. "Isto quere dicir que a xente está moi concienciada", concluíu.