Adega

A Asociación para a Defensa Ecolóxica da Galiza cualifica a medida do Goberno español de "agasallo envelenado".

Durante todo o mes de abril, de terzas a sextas feiras, as persoas lectoras de 'Nós Diario' poderán desfrutar do coleccionábel 'As nosas extraordinarias aves comúns', da autoría de Ramsés Pérez. Conversamos co autor sobre a riqueza de aves que ten a Galiza e o estado de saúde das poboacións ornitolóxicas do país.

Un paseo polo río Tambre e o rego da Andoriña.

Entregaranse o vindeiro 27 de marzo Pazo da Peregrina de Bertamiráns (Ames), durante a realización da 46ª Asemblea Xeral de Adega.

Voluntarios participaron nesta acción de Adega, na que tamén se procedeu a retirar lixo mariño desta zona de Carballo.

O colectivo ecoloxista salienta que estes proxectos "afectan unha área proposta en 2008 e 2011 para ser incorporada á Rede Natura 2000".

Máis de 5.000 persoas mobilizáronse o 11 de decembro nunha vintena de localidades galegas en contra da "invasión eólica" que axexa o país. De forma simultánea e descentralizada, máis de 170 entidades rexeitaron "a falaz e inútil moratoria anunciada polo Goberno de Alberto Núñez Feixoo" por non ter ningún efecto sobre os actuais proxectos en tramitación. A Asociación para a Defensa Ecolóxica da Galiza (Adega) difunde esta quinta feira un vídeo-resumo das mobilizacións.

Adega advirte que o parque eólico Nordés foi admitido a trámite após se decretar a moratoria e insta o Goberno de Pedro Sánchez a rexeitar este e outros proxectos en augas galegas até que o sector conte cun marco normativo propio.

A organización ecoloxista Adega presentou denuncia por unhas obras relacionadas coa corta de piñeiros na contorna da mámoa da Fonte da Luz, na parroquia de San Martín de Suarna. En concreto sinalan a apertura dunha pista e a circulación de maquinaria pesada no monumento.

Ánxeles Vázquez abandonou antes de tempo a xuntanza do Consello Galego de Medio Ambiente e Desenvolvemento Sostíbel para eludir unha votación propiciada por SLG, Adega, FEG e SGHN sobre o modelo de desenvolvemento eólico.

A entidade ecoloxista Adega desenvolve unha xornada formativa en Ames e outra en Barreiros para conmemorar o Día da educación ambiental.

Adega e a Plataforma para a Defensa da Cordilleira Cantábrica presentan senllos recursos contencioso-administrativos ante o TSXG contra os proxectos Bustelo, Campelo e Monte Toural, que serían obxecto, segundo as entidades ecoloxistas, de "fragmentación artificial".

O colectivo ecoloxista pon o foco no inzamento de proxectos eólicos por todo o territorio e os "recortes" na normativa ambiental por parte da Xunta.

Gostarías de vivir unhas festas máis sostíbeis e menos baseadas no consumismo? Entidades como Adega teñen as súas propias propostas para axudarche neste camiño cara o cambio de dinámicas.

Adega afirma que “unha vez “desactivada” a proposta de ampliación de 2011, moitos dos espazos propostos para integrarse dentro da Rede Natura ficaron desamparados, e foron presa fácil da especulación enerxética e forestal”.

Desde a organización ecoloxista Adega critican que se estea a tramitar un "proxecto refundido" do que no seu momento fora rexeitado.

Máis de 170 colectivos participarán o vindeiro 11 de decembro das 22 mobilizacións convocadas en diferentes puntos do país contra a "invasión eólica". A coordinadora 'Eólica, Así Non' defende que "outro modelo de renovábeis é posíbel" para que o vento galego "non fique en mans do oligopolio enerxético".

Afirma que Medio Ambiente enviou cartas aos concellos da Mancomunidade Serra do Barbanza que opera a planta de Lousame por supostos incumprimentos da normativa de residuos, exixindo melloras e cuestionando a viabilidade do sistema de recollida e compostaxe.

A organización ecoloxista Adega alerta de que a conservación do lobo está ameazada pola presenza de numerosos proxectos de parques eólicos na Galiza. Propóñenlle ao Ministerio para a Transición Ecolóxica e o Reto Demográfico que inclúa outras propostas para salvagardar esta especie animal.

A asociación ecoloxista Adega informa de que fixo achegas ao Plan hidrolóxico Galiza-Costa (PHGC) para as bacías que xestiona a Xunta. Advirte que o documento impulsado polo Goberno galego "está lonxe de dar resposta aos efectos da mudanza climática e á blindaxe dos nosos ecosistemas humidos para manter os servizos que estes prestan á sociedade".