O concello de Ribeira está a organizar a súa I Edición de Medio Maratón, que, alén do seu carácter popular, correspóndese co XXVII Campionato Galego de Medio Maratón, individual e por clubes. Nel danse cita as e os mellores atletas do país, e que terá lugar o vindeiro 10 de setembro sobre un circuíto homologado de 21.097 quilómetros.
A Federación de Atletismo chama a atención sobre o plan para mudar a herba natural do Estadio Universitario da Coruña por céspede artificial, que deixarían a cidade sen unha instalación para acoller eventos atléticos de alto nivel. A Universidade, que xa acordou renovar as pistas do anel, e o Concello, que busca novos espazos para o fútbol despois de entregar un campo da Grela a Estrella Galicia, din que inda non hai plan.
A participación galega nos Mundiais de Atletismo que se están a celebrar en Londres, puxo punto e final a pasada terza feira após deixar moi boas sensacións. Solange Pereira rematou décima na terceira serie dos 1.500 metros, a triplo saltadora Ana Peleteiro logrou a sétima posición na clasificación mundial, e Belén Toimil quedou por diante da súa principal rival. Todo un orgullo para o país!
Solange Andrea Pereira da Ponte (Portugal, 1989), atleta galega nada no país veciño, criada en Fuerteventura e residente en Cangas, compite esta sexta feira nos Mundiais de Atletismo de Londres. Após proclamarse Campioa Estatal e lograr a súa mellor marca persoal, tentará acadar o podio nos Mundiais. Ás 20.35h dará comezo a primeira serie dos 1.500 metros da categoría feminina que pinta moi competida este ano e Sermos Galiza conversou coa atleta!
O Comité Técnico da Federación Española de Atletismo (RFEA) deu a coñecer a equipa seleccionada que ha competir no próximo Campionato do Mundo de Londres, que se ha disputar entre os días 4 e 13 de agosto no Estadio Olímpico da capital británica. Un total de 55 atletas integran a equipa estatal, 21 mulleres -entre as que se atopan tres galegas- e 34 homes.
A representación galega conseguiu 8 medallas no XCVII Campionato Estatal de Atletismo, decorrido en Barcelona. Após das boas sensacións que deixaron as e os atletas galegos máis os resultados e as marcas persoais logrados no Campionato Galegos, cumpríronse os prognósticos no estatal.
O Estadio Municipal de Joan Serrahima, en Granollers (Barcelona) acollerá, esta fin de semana, o XCVII Campionato de España de Atletismo. Un total de 42 atletas galegas e galegos tomarán parte neste evento e con moitas opcións, quer de rexistar a mellor marca persoal (MMP) quer de medallas, grazas ao seu excelente estado de forma actual que xa se deixou notar no Campionato Galego. A galega é, en número de participantes, a sétima máis representada neste campionato. A que ten máis deportistas en competición é anfitrioa, con 129.
Tariku Novales naceu en Etiopía en 1998 mais desde os seis anos vive en Ames, onde tomou contacto co atletismo. Comezou no Club Atletismo Noia, co que vén de gañar o título de campión a nivel estatal na proba de 3.000 metros e co que chegou no posto duodécimo no Campionato do Mundo de xuvenís que vén de ter lugar en Cali (Colombia).
