Humorista gráfico de Sermos Galiza desde practicamente os comezos da posta en marcha do semanario, Ignacio Hortas, coñecido como Nacho Hortas, faleceu a noite da pasada sexta feira, 11 de outubro, aos 64 anos, por causa dunha enfermidade.
Aprende banda deseñada con Fiz é xusto o que indica o seu título: un manual para debuxar cómic explicado en formato cómic. E protagonizado polo popular, e escatolóxico, personaxe creado por Kiko da Silva (Vigo, 1979), Fiz.
Astérix en Britania (1966) narra a viaxe da máis célebre parella de guerreiro galos á illa que hoxe é Gran Bretaña para axudar á rebelión contra os romanos. A aventura mesmo se converteu, dúas décadas despois, en filme de animación. E, á espera da Filla de Vercinxetórix, trátase do último Astérix publicado en galego, desta volta por Xerais e Salvat.
O debuxante de banda deseñada Alfonso Barreiro (Noia, 1980) presenta esta sexta feira, día 24, na vila que o viu nacer, Troglo & Dita, a súa segunda obra. Un cómic en galego e destinado a ese público menos recordado dentro do xénero, o infantil. A historia, que encerra unha ensinanza final, ten por protagonistas dúas persoas cavernícolas ás cales as nenas e os nenos poderán acompañar durante o transcurso das súas experiencias vitais.
“Si a vernos, Marica, nantronte viñeras / á festa do Seixo na beira do mar, / ti riras, Marica, cal nunca te riches / debaixo dos pinos do verde pinar”. Este cuarteto de Rosalía de Castro, de Cantares Gallegos (1863), é o xermolo de Rosalía de Festa, unha banda deseñada que explora a hipotética relación da poeta co Seixo, lugar de Mugardos.
Unha adolescente rebelde, filla do líder rebelde galo Vercinxetórix, protagoniza o álbum número 38 do irredutíbel Astérix. A filla de Vercinxetórix sairá á rúa en outubro e, como en anteriores ocasións, contará con versión galega da man de Xerais.
Xulio Carballo (A Coruña, 1978) é licenciado en Filoloxía galega e Teoría da literatura comparada. Doutor en Estudos lingüísticos e literarios de galego e portugués, vén de publicar Os pioneiros da banda deseñada galega 1971-1979 (Xerais, 2019), obra que bebe da súa tese. Conversamos con Carballo, que cada mes publica no semanario Sermos Galiza unha columna sobre a actualidade da banda deseñada galega, sobre o pasado, o presente e o futuro do cómic. Eis un extracto da entrevista publicada no número 337 de Sermos Galiza.
“A lenda da BD galega di que rara é a revista que supera o número 1”, afirma o editorial do segundo número da Viñeta de Schrödinger, “a maior parte das veces as publicacións de banda deseñada rematan pechando”. E, porén, aquí está o segundo número da única publiación periódica dedicada ao cómic galego.
Ulf de Jakobsland. Os viquingos en Galicia é unha novela gráfica de Alberto Varela, publicada por Xerais, que conta a historia dos viquingos en Galiza.
O diálogo entre poesía e banda deseñada era inédito na literatura galega. Non no exterior. “Este é o primeiro libro da tradición editorial galega que a fronta a descuberta do xénero internacionalmente coñecido como Comic Poetry”, explica Yolanda Castaño (Compostela, 1977), que asina os textos ilustrados por 40 autores en O puño e a letra (Xerais, 2018).
A banda deseñada galega atravesa un vizoso intre creativo pero complexos problemas estruturais. As dificultades editoriais ou a falta de apoio institucional atópanse entre os máis citados. Porén, a aparición de autoras e autores non cesa. Eis un extracto da reportaxe publicada no número 310 de Sermos Galiza.
De título lírico e liña clara, “graficamente impecable”, e trazo autobiográfico. Así é Canción para afundir flores no mar, a obra gañadora da décimo terceira edición do premio Castelao de banda deseñada, da autoría de Oliver Añón (Barcelona, 1982).
A coruñesa Bea Lema é a primeira muller que gaña o premio Banda Deseñada Castelao da Deputación da Coruña. Faino coa súa obra 'O Corpo de Cristo' que se impuxo na edición con máis obras presentadas do certame.
![[Imaxe: Ana Rey] Kiko Da Silva, en Viñetas desde o Atlántico](/asset/zoomcrop,480,270,center,center/media/nosdiario/images/2017/08/09/2017080918013213873.jpg)
Ilustrador, historietista, editor... Kiko Da Silva (Vigo, 1979) é o nome propio sobre o que pivota a XX edición de Viñetas desde o Atlántico, a cita nacional do cómic. Pai do célebre Fiz, de Fiz nos biosbardos, foi creador da publicación BD Banda e da revista satírica Retranca. O autor, que conta con múltiples recoñecementos, fai un alto nos compromisos do Salón do Cómic da Coruña para conversar con Sermos Galiza sobre a banda deseñada e a ilustración. Eis un extracto da entrevista publicada no semanario.
Abraham Carreiro botou a andar o ano pasado un xornal para os máis pequenos da casa, 'O Papagaio', un mensual que lles conta o mundo e o país mirándoos de fronte.
Alfonso Barreiro vén de publicar Curuxa, a voz de Azazel, o seu primeiro cómic. Retranca editora foi a responsábel da edición do libro, despois de que gañara, no 2015, o Premio de Fin de Curso da Primeira Promoción do Curso Profesional de Banda Deseñada de O Garaxe Hermético. O cómic está cheo de cores, espíritos, animais, maxia, amizade e referencias á Galiza, aos seus contornos e tradicións.