A chamada “nova normalidade” ábrese camiño desde esta fin de semana, coa xeneralización das ocupacións en interior ao 90% e no exterior ao 100%. No lecer infantil hai avances, como a eliminación de máximos nos grupos, pero mantéñense máis restricións de capacidade que nas actividades de adultos no exterior, que se limitan ao 90%.
Nos primeiros oito meses deste ano naceron 402 crianzas menos que no mesmo período de 2020. E 685 menos que entre xaneiro e agosto de 2019.
As escolas infantís manterán grupos burbulla, mais poderán coincidir varios en exterior e reláxanse outras medidas. As crianzas poderán ter o calzado que levan da casa e o novo protocolo posibilita tamén deixar os carriños no centro.
Irimia Fernández Álvarez é a creadora de Brazolinda, un proxecto de deseño e fabricación de xogos de mesa que leva seis anos achegando a diversión en galego aos fogares. O nome da iniciativa procede dunha historia familiar ao redor dunha boneca de tea que veu do Brasil e que figura no seu logo.
Un estudo do Instituto Galego de Estatística (IGE) revela que a evolución da natalidade vai ir á baixa. Ao contrario da crenza popular, nos próximos quince anos nacerán máis nenos que nenas, sobre todo nas comarcas urbanas.
Despois de que se coñecera que o Goberno do Estado ten un borrador para regular as festas de Nadal e evitar un incremento dos contaxios por coronavirus, a Consellaría de Sanidade puntualizou que ten a súa propia proposta, que levará ao consello interterritorial que analiza a evolución da pandemia.
Decenas de persoas concentráronse hoxe ás portas do CEIP Luis Seoane para pedir á Consellaría que se depuren responsabilidades e que a docente sexa readmitida no seu cargo. Os proxenitores do estudante de catro anos, que presentarán unha queixa por escrito na Xunta, din que a directora non tivo responsabilidade e contan que o pequeno xa non quere "ir en autobús nin á escola".
