CRTVG

Nunha sexta feira ás 10 horas a CRTVG emitiu o único debate galego. As candidatas de PSdeG, PP, En Común-Unidas Podemos, Ciudadanos e BNG contaron cunha hora para presentar e debater as súas propostas arredor de dous grandes bloques: o modelo de industria e enerxético e o modelo social e territorial. O tempo foi escaso para cubrir todos os temas, cun PP e un PSdeG cruzando reproches e críticas ao bipartidismo do resto de forzas e unha Galiza que en ocasións, debido aos partidos estatais, perdía presenza ante Madrid ou Catalunya.

Considera “preocupante” a decisión de emitilo en horario matinal. “A encomenda de servizo público que ten atribuída a Corporación de Radio e Televisión de Galicia é incompatíbel coa decisión adoptada pola dirección de agochar a confrontación de ideas políticas nun horario inadecuado para a maioría dos galegos e as galegas, ás 10 da mañá, nun formato reducido dunha hora de duración", indica.

A Xunta Electoral Provincial da Coruña estimou a reclamación de Vox e declarouno grupo político significativo, a razón dos votos que obtivo nas pasadas eleccións xerais de abril. A súa decisión abre a porta á participación de Vox no debate electoral da CRTVG.

O director, Alfonso Sánchez Izquierdo, escúdase no ‘prestixio social’ de Milagros Otero para mantela como tertuliana nun programa da Radio Galega.

O plan de cobertura da CRTVG para as eleccións estatais sitúa o debate electoral no informativo matinal o 8 de novembro a partir das 10.00 horas, cunha reposición na segunda canle do ente público, de menor audiencia que a principal. BNG e Galicia en Común anunciaron que recorrerán ante a Xunta electoral provincial o plan de cobertura informativa

A CRTVG incumpriu os protocolos informativos para o tratamento da violencia machista, segundo denuncia o Comité de empresa.

Non tardaron en aparecer as críticas. Na noite da pasada sexta feira a CRTVG anunciaba vía redes sociais un novo programa, “Conexión Madrid”, que se emitirá desde a delegación madrileña da televisión pública galega.

O Tribunal Superior de Xustiza de Galiza acaba de anular os servizos mínimos decretados pola dirección da CRTVG nas folgas dos pasados 19 e 22 de decembro. A sentenza apóiase no “procedemento especial para a protección dos dereitos fundamentais da persoas”.

A Rede do Patrimonio Cultural lanza a campaña #QueSeVexaOPatrimonio e lembra que durante os últimos 35 anos non houbo ningún programa que se ocupase especificamente de divulgar o patrimonio material e inmaterial.

Milagros Otero dimitiu como Valedora do Pobo a finais do pasado mes de xullo. Os seus anos no cargo foron moi cuestionados pola oposición e por diferentes entidades, despois de que en abril o Supremo confirmase a nulidade do nomeamento dunha irmá do portavoz parlamentar do PP na institución.

Ningunha das promesas do director xeral da CRTVG despois das intensas mobilizacións de traballadoras e traballadores se mantén. O comité Intercentros denuncia que a nova programación de outono intensifica a externalización da grella, non aumenta a produción propia e non reforza informativos nin a cobertura local.

Traballadoras e traballadores da Radio Galega repasan, departamento a departamento, o que consideran un deterioro da calidade e das condicións de traballo que se levan producindo nestes anos. “A dirección actual da Radio Galega está desmantelando deliberadamente a emisora pública e afundíndoa a uns niveis que non se recordan nos seus trinta e catro anos de historia”, afirman nun documento ao que tivo acceso Sermos Galiza.

O Tribunal Superior de Xustiza de Galiza vén de fallar que a CRTVG vulnerou o dereito á folga  o pasado 19 de decembro. Ademais, o alto tribunal declara nula “a decisión empresarial de substituír” unha traballadora e mais o mantemento da emisión do programa O Tempo nesa xornada.

“Examínanse dunha materia máis, a de galego, e a maiores as probas son máis difíciles e os criterios de corrección, máis esixentes”. Este foi o enfoque co que a TVG informou do inicio das probas da ABAU, a anterior Selectividade.

O sindicato CUT é a forza con máis delegados en San Marcos (Compostela), o principal centro de traballo da CRTVG. Así o decidiron os traballadores e traballadoras nas eleccións desta terza feira, en que houbo unha elevada participación: votaron 630 persoas dun censo de 866, un 73,44%.
 

Comezou como unha conta na rede social Twitter para denunciar a manipulación partidista nos medios públicos galegos. Un ano despois, Defende a Galega organiza ducias de traballadoras e traballadores nos Venres Negros -as empregadas visten de negro- a prol do cumprimento da lei do ente e contra as presións políticas sobre a información. A plataforma responde vía correo electrónico ás preguntas de Sermos Galiza.
 

“Perplexidade” e “incredulidade” da asociación organizadora da gala ante as acusacións do director xeral dos medios públicos galegos, Sánchez Izquierdo.

O director xeral da CRTVG Alfonso Sánchez Izquierdo asegurou a pasada cuarta feira en sede parlamentaria que o Colexio Profesional de Xornalistas de Galiza expide “carnés de xornalista previo pago dunha cota” sen que sexa necesaria “formación regrada para xornalista”. A entidade retrúcao e afirma que, por lei, só acepta como colexiadas persoas licenciadas.
 

Alfonso Sánchez Izquierdo, director da CRTVG, puxo de manifesto no Parlamento que non se informou do premio José Couso a DefendeAGalega por unha decisión corporativa. Tachou de mentiras as denuncias de vetos e de manipulación no ente e avisou de consecuencias para as traballadoras e traballadores que difundan esas “mentiras” e para quen se faga eco delas.

A sección sindical da CIG na CRTVG acusa a dirección do ente público de exercer a manipulación e a ocultación da gala dos VI Premios da Música Martín Códax debido ás críticas pronunciadas por premiadas e premiados durante o evento.