Corpo(a)Terra amosa a liberdade da danza en Allariz
Corpo(a)Terra volveu tirar, unha vez máis, para adiante malia os crecentes atrancos. A compañía Traspediante conseguiu organizar este festival de danza na rúa ourensá, que cumpriu xa dez anos de andaina, reforzando a súa visibilidade social e propoñendo, ao mesmo tempo, reflexións sobre a conexión entre o individual e o comunitario ou sobre os lindes do ser humano. Os que lle impoñen e os que pon a si mesmo. Entre o medo, a incerteza e a submisión. A obediencia e a subversión. E a procura, sempre, dunha saída.