O Comité de CRTVG esixe á dirección emitir o debate electoral do 10N en 'prime time'
Considera “preocupante” a decisión de emitilo en horario matinal. “A encomenda de servizo público que ten atribuída a Corporación de Radio e Televisión de Galicia é incompatíbel coa decisión adoptada pola dirección de agochar a confrontación de ideas políticas nun horario inadecuado para a maioría dos galegos e as galegas, ás 10 da mañá, nun formato reducido dunha hora de duración", indica.