electricidade

O prezo medio da electricidade no mercado almacenista subirá esta segunda feira até os 7,95 euros por megawatt hora (euros/MWh).

Naturgy obtivo un beneficio neto de 1.986 millóns de euros en 2023, o que representa un incremento de 20,4% con respecto ás ganancias de 1.649 millóns do ano anterior, nun exercicio no que impulsou os seus investimentos até os 2.944 millóns de euros, 53% máis, segundo informou a compañía. Pola súa parte, o importe neto da cifra de negocios do exercicio 2023 ascendeu a 22.617 millóns de euros, 33,4% menos que o ano anterior, principalmente como resultado dos prezos excepcionalmente altos da enerxía en 2022, dos que a principal gasista e terceira eléctrica do Estado español tirou proveito para aumentar a súa caixa. A multinacional, segunda produtora hidráulica da Galiza con 1.120 megawatts e 12 encoros e terceira xeradora eólica con 93,2 megawatts e 16 complexos no territorio galego, puxo o foco dos seus obxectivos neste ano na xeración renovábel de electricidade, polo que non é descartábel que intente reafirmar a súa posición no liderado do aproveitamento dos recursos galegos con novos proxectos.

O Executivo español publicou esta terza feira o índice de prezos de referencia para limitar os prezos do aluguer en áreas tensionadas, que terá plena vixencia tras un prazo de 10 días para examinar as propostas das autonomías para a implementación no seu territorio. Ademais, esta ferramenta tan só se poderá empregar no caso de que as comunidades autónomas o soliciten.

O Concello sinalou que se requiriu a Naturgy "a instalación e utilización dun xerador para reestabelecer o subministro" mentres se prolonguen os traballos de reparación da liña eléctrica.

Os prezos industriais diminuíron 2,9% o pasado xaneiro na Galiza en comparación co mesmo mes de 2023, segundo os datos publicados esta segunda feira polo Instituto Nacional de Estatística (INE). Esta taxa foi inferior á media estatal, de 3,8%, e supuxo un retroceso en comparación coa baixada interanual de prezos de 5,9% en decembro. En concreto, os bens de consumo -aqueles listos para seren comprados polas usuarias finais- incrementaron o seu prezo 3,8% e os bens de equipo -aqueles que serven para producir outros bens e teñen unha vida útil longa- encareceron 1,3%. Pola súa parte, os bens intermedios -os materiais empregados no proceso de produción- baixaron 3,8%, así como a enerxía, que descendeu 10,4%. Por outra parte, o Imposto sobre o Valor Engadido (IVE) da electricidade nos contratos domésticos regresará a 21% en marzo. Segundo cálculos de Selectra -empresa de asesoramento enerxético-, a suba no recibo será de 7,48 euros en comparanza cos impostos de 2023 e de 4,56 euros con respecto a xaneiro e febreiro.

A xeración eléctrica chegou o ano pasado na Galiza a 23.872.174 megawatts hora (MWh), sendo de orixe renovábel 17.987.088 MWh desa produción, o que significa que a electricidade procedente das tecnoloxías limpas supera o consumo interno en 26,7%. Asemade, a Galiza mantense como un territorio excedentario en produción de electricidade, até o punto de exportar en 2023 máis de 42% da enerxía eléctrica xerada, coa Comunidade de Madrid como principal beneficiada.

Representantes da Cámara da Coruña e do Instituto Tecnolóxico da Galiza (ITG) mantiveron unha reunión coa xerencia do polígono industrial carballés de Bértoa para abordar o desenvolvemento dunha posíbel comunidade enerxética local. A iniciativa supón un paso máis de cara ao consumo comunitario de enerxía en Carballo (Bergantiños), despois de ter presentado o Goberno local un estudo para desenvolver unha comunidade enerxética aberta á veciñanza.

Trátase da liña de alta tensión (LAT) de 220 KV Lousame Ames - Tibo por parte de Rede Eléctrica Española, un proxecto que foi aprobado pola Xunta da Galiza e que xerou unha grande oposición debido ao seu "potencial impacto negativo en áreas de gran valor histórico e ecolóxico" como son o Camiño Portugués, o Castro Lupario, o Pazo do Faramello e o núcleo rural de Angueira de Castro.

OBS tamén resalta a pouca viabilidade da eólica mariña no litoral galego e español.

O prezo da electricidade fechou 2023 nunha media de 87,1 euros por megawatt hora (MWh), o que supón unha redución de máis da metade (-58%) en comparación co dato de 2022.

Coa entrada do ano 2024 decaerá a limitación dos coñecidos como beneficios caídos do ceo das eléctricas, estabelecida en 67 euros por megawatt á hora para aquelas tecnoloxías que obteñen unha remuneración moi por riba dos seus custos de produción a raíz do sistema marxinalista. O Goberno español estabelecera en marzo de 2022 un tope de 67 euros por megawatt á hora nos ingresos das enerxías beneficiadas.

As rebaixas nos impostos enerxéticos serán retiradas de forma paulatina mentres que continuarán as do IVE sobre determinados alimentos básicos. Pola súa parte, manteranse as axudas ás viaxes en transporte público. Tamén seguirán vixentes os gravames á banca e ás enerxéticas. Porén, estas últimas poderán deducir a taxación a través de investimentos "estratéxicos" vinculados con proxectos industriais e coa descarbonización na economía estatal.

A porcentaxe de municipios con parques eólicos operativos na Galiza triplica a media do Estado español.

A nova infraestrutura poderá ser empregada no sector da automoción.

A normativa da UE mantén intacto o sistema marxinalista de fixación do custo da electricidade.

A decisión busca reducir a dependencia comunitaria a nivel global

O prezo medio da luz para os clientes de tarifa regulada vinculados ao mercado maiorista baixará esta segunda feira, 4 de decembro, un 3,35% con respecto aos datos deste domingo, até os 77,24 euros por megavatio hora (MWh). O prezo máximo, de 123,02 euros/MWh, rexistrarase entre as 19 e as 20 horas, mentres que o prezo mínimo, de 45,10 euros/MWh, alcanzarase entre as 4 e as 5 horas, segundo aos datos provisionais do Operador do Mercado Enerxético Ibérico (OMIE). Nestes catro primeiros días de decembro o prezo medio do pool eléctrico foi de 84,04 euros/MWh, moi por debaixo dos 220,76 euros/MWh nos que se situou o prezo da electricidade -engadindo o sobrecusto que supón para os consumidores o axuste polo tope ao prezo do gas - a principios do mesmo mes do ano pasado.

A exportación de electricidade marcou máximos históricos no primeiro semestre de 2023, superando os rexistros de todas as anualidades da última década. Ao tempo, a xeración renovábel aumentou de forma significativa ,rexistrando no caso da hidráulica un incremento de máis de 100% e superando entre xaneiro e xuño en 2.705.306 MW por hora o consumo interno galego.