Naturgy achégase aos 2.000 millóns de beneficio ao gañar até 20% máis
Naturgy obtivo un beneficio neto de 1.986 millóns de euros en 2023, o que representa un incremento de 20,4% con respecto ás ganancias de 1.649 millóns do ano anterior, nun exercicio no que impulsou os seus investimentos até os 2.944 millóns de euros, 53% máis, segundo informou a compañía. Pola súa parte, o importe neto da cifra de negocios do exercicio 2023 ascendeu a 22.617 millóns de euros, 33,4% menos que o ano anterior, principalmente como resultado dos prezos excepcionalmente altos da enerxía en 2022, dos que a principal gasista e terceira eléctrica do Estado español tirou proveito para aumentar a súa caixa. A multinacional, segunda produtora hidráulica da Galiza con 1.120 megawatts e 12 encoros e terceira xeradora eólica con 93,2 megawatts e 16 complexos no territorio galego, puxo o foco dos seus obxectivos neste ano na xeración renovábel de electricidade, polo que non é descartábel que intente reafirmar a súa posición no liderado do aproveitamento dos recursos galegos con novos proxectos.
Cales son as claves do novo índice de prezos de referencia para limitar os prezos do aluguer en zonas tensionadas?
Cae unha árbore sobre o tendido eléctrico e deixa sen potabilizadora Monforte de Lemos
Os prezos industriais descenderon 2,9% na Galiza no mes de xaneiro
Os prezos industriais diminuíron 2,9% o pasado xaneiro na Galiza en comparación co mesmo mes de 2023, segundo os datos publicados esta segunda feira polo Instituto Nacional de Estatística (INE). Esta taxa foi inferior á media estatal, de 3,8%, e supuxo un retroceso en comparación coa baixada interanual de prezos de 5,9% en decembro. En concreto, os bens de consumo -aqueles listos para seren comprados polas usuarias finais- incrementaron o seu prezo 3,8% e os bens de equipo -aqueles que serven para producir outros bens e teñen unha vida útil longa- encareceron 1,3%. Pola súa parte, os bens intermedios -os materiais empregados no proceso de produción- baixaron 3,8%, así como a enerxía, que descendeu 10,4%. Por outra parte, o Imposto sobre o Valor Engadido (IVE) da electricidade nos contratos domésticos regresará a 21% en marzo. Segundo cálculos de Selectra -empresa de asesoramento enerxético-, a suba no recibo será de 7,48 euros en comparanza cos impostos de 2023 e de 4,56 euros con respecto a xaneiro e febreiro.
Museo Galego da Electricidade
A Galiza exportou 42% da produción eléctrica en 2023
Carballo segue dando novos pasos de cara ao consumo comunitario de enerxía
Veciñanza de Rois protesta contra a instalación dunha liña de alta tensión en zonas de "gran valor patrimonial"
As autonomías con máis peso no PIB xeran menos enerxía: un estudo abre o debate da compensación da produción
Abaratou a electricidade? O prezo da luz baixa considerabelmente en 2023, mais segue case o dobre de cara que antes da pandemia
Fin do 'mecanismo ibérico' e da limitación dos beneficios caídos do ceo para as eléctricas en 2024
Cales son as principais novidades do decreto contra a crise anunciado por Pedro Sánchez?
Un de cada tres concellos galegos ten muíños... e só un de cada dez españois
A alta tensión chegará a Vigo antes de 2026 cun investimento de 72 millóns
Como é a nova reforma do mercado eléctrico a UE? Cal é a medida clave e cando entrará en vigor?
Bruxelas apraza tres anos os aranceis aos vehículos eléctricos do Reino Unido
O prezo da luz baixa un 3,3% esta segunda feira, até os 77,24 euros/MWh
O prezo medio da luz para os clientes de tarifa regulada vinculados ao mercado maiorista baixará esta segunda feira, 4 de decembro, un 3,35% con respecto aos datos deste domingo, até os 77,24 euros por megavatio hora (MWh). O prezo máximo, de 123,02 euros/MWh, rexistrarase entre as 19 e as 20 horas, mentres que o prezo mínimo, de 45,10 euros/MWh, alcanzarase entre as 4 e as 5 horas, segundo aos datos provisionais do Operador do Mercado Enerxético Ibérico (OMIE). Nestes catro primeiros días de decembro o prezo medio do pool eléctrico foi de 84,04 euros/MWh, moi por debaixo dos 220,76 euros/MWh nos que se situou o prezo da electricidade -engadindo o sobrecusto que supón para os consumidores o axuste polo tope ao prezo do gas - a principios do mesmo mes do ano pasado.
A electricidade galega, para fóra: Galiza exportou no primeiro semestre até 46% da súa produción eléctrica
A exportación de electricidade marcou máximos históricos no primeiro semestre de 2023, superando os rexistros de todas as anualidades da última década. Ao tempo, a xeración renovábel aumentou de forma significativa ,rexistrando no caso da hidráulica un incremento de máis de 100% e superando entre xaneiro e xuño en 2.705.306 MW por hora o consumo interno galego.