entrevista

A primeira longametraxe de Diana Toucedo explora a fronteira entre a realidade e a ficción, con actrices e actores non profesionais e ambientada no Courel. Entrevistámola cando vai presentar Trinta Lumes no Númax de Compostela. Eis un extracto da conversa, publicada no número 333 de Sermos Galiza.

Extraordinario (Galaxia, 2018) é unha historia de emancipación. De opresión e liberdade. De identidades sufocadas e ningún medo a voar. O relato en primeira persoa da construción dunha vida non dominada. A novela que lle valeu a Antón Lopo (Monforte de Lemos, 1961) o premio Narrativa Breve Repsol tamén se pode ler, explica o autor, “como un longo poema en prosa”. Que, dalgunha maneira, engade, arremeda o conto do parrulo feo. “Subxace a cuestión do monstro”, afirma a Sermos Galiza, “porque o monstro tamén é extraordinario, aquilo que non encaixa na idea obvia de normalidade. O artista, por exemplo”. Fundador da editorial de poesía Chan da Pólvora hai case tres anos, poeta, performer, as estratexias artísticas de Lopo non respectan ningunha fronteira. Eis un extracto da entrevista publicada no número 332 de Sermos Galiza.

É a voz da revolución bolivariana no noso país. Antigo director de Comunicación de Hugo Chávez, Martín Pacheco, cónsul de Venezuela en Vigo, ten claro que a saída ao conflito político que vive o seu país é a que apoian actores internacionais como México e Uruguai. Aposta, pois, nun diálogo aberto coa oposición, mais desde o respeito á soberanía nacional, nas antípodas do intervencionismo de Washington e Bruxelas. Eis un extracto da conversa publicada no número 332 de Sermos Galiza.

Úrsula Heinze (Köln, 1941), é unha das escritoras alófonas máis senlleiras da cultura galega. Afincada en Santiago de Compostela desde finais dos anos setenta, a súa voz destacou na literatura infantil e xuvenil e na narrativa para adultos das décadas dos oitenta e noventa, chegando a ser a primeira muller en gañar premios da categoría do Merlín ou do Blanco Amor de novela. A pesar de que nunca abandonou a escrita pública, esta segunda década do século XXI ofreceunos o seu retorno á narrativa coas novelas Pon un psiquiatra na túa vida (Alvarellos, 2017) e, nos últimos meses, Delirios de pracer (Aira, 2018), unha obra audaz e que avanza por territorios practicamente inexplorados na literatura galega. Unha práctica, a de descuberta de novas perspectivas, que sempre se relacionou coa súa obra.

Con algunha reticencia relacionada co seu propio carácter e coa certeza de que hai homenaxes que non deberan ser individuais, o que fora entre 2001 e 2017 secretario xeral da CIG, Suso Seixo (Curtis, 1952), será o protagonista do recoñecemento co que o sindicato nacionalista quere agradecerlle a súa traxectoria no eido sindical. Eis un extracto da conversa, publicada no número 331 de Sermos Galiza.

Susana Sánchez Arins (Vila Garcia de Arouça, 1974) cumpre neste 2019 uma década da publicação de [de]construçom (Espiral Maior), que vem sendo também o décimo aniversário do seu debute na escrita pública. Sánchez Arins está a celebrar o acontecimento numa situação invejável para qualquer autora: com dois livros na rua de distinto género e distintas editoras e imersa no seu ciclo de apresentações e difusão. Trás o sucesso de Seique (Através Editora, 2015), a sua obra converteu-se também numa referência imprescindível no referente à gestão da memória histórica, além de acompanhar e co-protagonizar um novo momento na sempre complexa relação da literatura galega com as suas formas de escrita mais dissidentes. Falamos com ela numa Compostela invernal sobre as formas do passado e os desejos para o futuro. Eis un extracto da conversa, publicada no número 330 de Sermos Galiza.

As ramonas (Galaxia, 2018, Premio García Barros) sucede no interior de automóbiles que cobren o traxecto de Santiago de Compostela ao Deza. Vidas precarias e expectativas frustradas, a descomposición material das esperanzas, traballadoras pobres e artistas no bordo da subsistencia, atravesan a primeira novela de Ana Cabaleiro (Saídres, Silleda, 1974). “Unha visión non edulcorada da vida sempre está moi presente no que escribo”, afirma. Eis un extracto da entrevista publicada no número 328 de Sermos Galiza.

Francisco Martínez, Quico (Cabanas Raras, O Bierzo, 1925) é o único membro vivo da Federación de Guerrillas de Galiza e León. Entrevistamos o que foi dirixente guerrilleiro durante máis de cinco anos aproveitando a súa recente visita a Galiza, onde participou en diversos actos de restauración da memoria antifranquista.

Se ollamos China cos óculos occidentais non entenderemos nada. E se queremos entender algo sobre a evolución do xigante asiático non é má idea botarlle un ollo á obra de Xulio Ríos (Moaña, 1958), director do Observatorio de Política Chinesa. O seu último libro sobre a segunda potencia económica do globo é La China de Xi Jinping. A tese de fondo é que Xi tenciona completar o proceso de modernización do país, no plano económico, mais tamén no político. Eis un extracto da entrevista publicada no número 326 de Sermos Galiza.

Vudú son Belém Tajes (Bos Aires, 1984) e Maritxinha Gómez (Miño, 1986). Tras dous EP, presentan o seu primeiro álbum longo, Vudú vol. III, no que consolidan un estilo propio marcado por letras que proceden da música tradicional con harmonías de soul e R&B. Será o 16 de decembro na Sala Garufa da Coruña, onde estarán acompañadas polo grupo compostelán Grüvzilla. “Despois de termos xirado por toda Galiza no verán, quedáranos a espiña da Coruña porque chovera no Festival Noroeste”, lembran. Eis un extracto da conversa publicada no número 326 de Sermos Galiza.

O próximo sábado, día 8, a cultura vístese de longo para celebrar a Gala do Ano da Lingua que organiza a Deputación de Pontevedra. Será ás 20 horas no Auditorio de Goián, no Concello de Tomiño. As entradas, de balde, xa están dispoñíbeis no propio concello. Conducida pola actriz Isabel Risco, a gala contempla unha performance realizada ad hoc pola poeta Tamara Andrés; un espectáculo aéreo a cargo de Rebeca Santos e as actuacións de Andrea Pousa, Leilía e A Banda da Loba. En canto á sesión matinal, que comezará ás 12 horas, inclúe o Concerto Punk infantil, para público infantil e familiar, e nunha actuación de Blues do País, nunha sesión vermú. Cóntanos máis Xosé Leal, deputado responsábel da área de Cultura da Deputación de Pontevedra.

Antropóloga, académica e investigadora, Marcela Lagarde (Cidade de México, 1948) é unha das figuras con maior relevancia no feminismo. De feito, as súas obras sentaron as bases de conceptos como sororidade e acuñou o termo feminicidio. Desde o seu escano como deputada do Partido da Revolución Democrática, a estudosa marxista impulsou a Lei para o acceso das mulleres a unha vida libre de violencia. Aténdenos ao remate dun seminario de apoderamento das mulleres na contorna universitaria organizado na Facultade de Ciencias Políticas da USC pola rede Armela e a Oficina de Igualdade. Eis un extracto da entrevista publicada no número 323 de Sermos Galiza.

A escritora Yolanda Castaño (Compostela, 1977) inaugura o “cómic poético” para a literatura galega. E é que o diálogo entre poesía e banda deseñada era inédito na Galiza. Cóntanos a xénese de O puño e a letra (Xerais) nunha entrevista. Eis un extracto da conversa, publicada no número 323 de Sermos Galiza.

Vén de chegar de América e de visitar no cárcere de Lledoners os presos políticos cataláns. Voltou a Bruxelas e, entrementres, atendeu Sermos Galiza aínda coa resaca da aprobación da resolución contra o franquismo por parte do Parlamento Europeo. A eurodeputada do BNG, Ana Miranda (Cuntis, 1971), forma parte da Comisión de Peticións, da de Economía, da de Liberdades e da de Pesca, sempre co ollar posto no internacionalismo, no que acontece en América Latina, no avance do fascismo e da represión e en todo o que ten a ver cos pobos oprimidos. Eis un extracto da entrevista publicada no número 321 do semanario.