España

Avaliamos a polémica xerada perante unha hipotética incorporación do termo 'pulpo' ao dicionario da RAG após a proposta lanzada polo alcalde do Carballiño. O estado de excepción en Hamburgo e a apertura do Ano Díaz Castro, neste número do Sermos Galiza. Faite con el na nosa loxa. 

Fortress Europe leva 25 anos recompilando datos sobre o custo en vidas das vagas de migración a Europa. Entre 1988 e 2013 hai 19.114 mortos documentados. 294 a consecuencia de disparos das diversas policías e corpos de seguridade.

A deputada do BNG, Rosana Pérez, reclamou no congreso a comparecencia do secretario de Estado de Deportes polos expedientes abertos pola UE a clubs de fútbol. Pregunta polas débedas con Facenda e Seguridade Social e se “recibiron trato de favor”. 

Seis entidades presentaron finalmente as súas ofertas ao FROB que determinará nos vindeiros días cales continúan adiante na poxa. O prego de condicións aprobado polo Goberno estatal favorece as entidades españolas, algo que o BNG denunciará perante a Fiscalía por apreciar prevaricación. O Goberno do Estado -contra o criterio en principio mantido por Feijóo e polo primeiro executivo do banco resultante da fusión, José María Castellano- prefire que sexa o capital español o que se faga con NGB.

A Xunta, a través do Instituto Enerxético de Galicia, estase a dirixir á cidadanía en español enviando un “Decálogo para aforrar enerxía no fogar”. A circular acompaña a factura da luz cunha mensaxe da Fundación Gas Natural-Fenosa tamén en español. 

Após coñecerse a data e contido da pregunta que se formulará ao pobo catalán no referendo de autodeterminación, Irmandade TV viaxou a Catalunya para coñecer de primeira man a reacción social mais tamén a das principais forzas políticas. Aurélio Lópes cóntanos o que está a acontecer nun país que se prepara para tomar as rendas do seu futuro.

Seareir@s do equipo celeste denuncian a actuación da policía española no encontro de Copa contra o Athletic de Bilbao, requisando estreleiras e mesmo camisolas de peñas do equipo vasco. Afirman que “non é unha novidade” que as forzas de seguridade queiran estragar “a festa entre célticos e athletictzales”.

O Ministerio de Fomento négase no Congreso a transferir a xestión das terminais de Alvedro, Lavacolla e Peinador a Galiza e defende unha estrutura en beneficio do ''consolidado'' aeroporto madrileño.

Como unha festa na que reivindicar a nosa soberanía, a defensa dos nosos dereitos fronte unha Constitución que nega a existencia dunha Galiza de seu. Esta sexta feira 6 de decembro, día feriado para conmemorar a Constitución española, a iniciativa social Galiza pola Soberanía (GpS) sae ás rúas para rexeitar o que chaman a “lei magna”. 

A Mesa prepara a denuncia diante do Consello de Europa pola “vulneración” do Goberno español da Carta Europea das Linguas. O presidente da Mesa entrevistarase co Valedor do Pobo o próximo día 9 de decembro para lle solicitar que interveña no caso das discriminacións contra o galego. 

O número de persoas no desemprego no noso país é de 270.854. No conxunto do Estado español é de máis de 4.808.000 persoas. En novembro o número de filiad@s á Seguridade Social en Galiza caeu en case 5.000 persoas, un indicativo do emprego que se perde.

Cen banqueiros gañan no Estado español máis dun millón de euros anuais. É o segundo estado onde máis cobran de media os 'super-banqueiros': 2,16 millóns de euros. Por riba das retribucións dos seus homólogos de Alemaña ou Reino Unido.

A vindeira sexta feira, 6 de decembro, a plataforma social Galiza pola Soberanía convoca actos e mobilizacións en distintos puntos do país para amosar o seu rexeitamento á Constitución española de 1978, un texto que, din, "nega os nosos dereitos como pobo".

A organización visou na súa VII Asemblea Nacional, desenvolvida en Teo, a necesidade de reforzar a esquerda independentista nun marco de crise xeralizada no Estado español

O Ministerio de Economía respóndelle á estudante da USC que a súa documentación ten un “defecto”: está en galego, e que o goberno só acepta escritos ''en español o en inglés''. En estados como México ou Arxentina eses certificados en galego estanse a aceptar sen problemas.

O Consello de ministros aprobou o anteproxecto da reforma da lei de Seguridade Cidadá, fixando fortes multas, castigos e sancións para o exercicio de determinados protestos e mobilizacións. A oposición fala da deriva do goberno do PP para erguer un estado policial por riba das liberdades e dereitos civís.