A historia de Castrelo de Miño está marcada por un encoro de 135 megawatts que despoxou a veciñanza das mellores terras de cultivo a finais dos anos 60 e que rematou por expulsar á emigración centos de familias. Porén, o encoro de Castrelo de Miño significa o comezo da loita contra os proxectos hidroeléctricos destinados a espoliar o país e o inicio da loita ecoloxista na Galiza.
O Goberno do Estado tramita a autorización de tres parques eólicos cunha potencia de 323,4 megawatts (MW) nas comarcas da Limia e Monterrei. Os proxectos están impulsados por V-Ridium, filial española do grupo portugués GreenVolt. A veciñanza das zonas afectadas xa comezou a mobilizarse.
Os encoros volven petar nas portas dos ríos galegos. O Ministerio para a Transición Ecolóxica tramita actualmente a autorización de oito grandes centrais hidráulicas cunha potencia total de 3.095 MW, que anegarán terras de gran valor agrícola e ambiental. 29% da potencia solicitada corresponde a Iberdrola.
A vindeira lexislatura será chave no desenvolvemento da eólica mariña na Galiza. A súa posta en marcha seguindo os criterios marcados nos Plans de ordenación dos espazos marítimos (POEM), aprobados polo Goberno do Estado o 28 de febreiro de 2023, pon en risco a continuidade da actividade pesqueira na Galiza. O sector do mar urxe unha moratoria dos proxectos de eólica mariña presentados.
Rede Eléctrica Española (REE) vén de facer públicos os datos de xeración e consumo eléctrico do primeiro trimestre do ano. As cifras da empresa pública confirman que Galiza exportou 51,9% da súa produción total, sendo 81,8% desta de orixe renovábel.
A Guarda acolleu na maña deste sábado unha mobilización contra o complexo de eólica mariña proxectado entre Cabo Silleiro (Baiona) e a desembocadura do Miño. A protesta convocada pola Confraría de pescadores Santa Tecla da Guarda xuntou arredor de medio milleiro de persoas
A relación entre complexos eólicos e despoboamento está documentada. A esta conclusión chegaron diversas investigacións promovidas en Aragón ou Catalunya. A situación non é diferente aqueles concellos galegos con máis potencia instalada.
19 localidades galegas acolleron na mañá de hoxe, outros tantos actos de protesta contra a política da Xunta da Galiza. Os máis de 200 colectivos organizadores da protesta, expresaron a súa satisfacción pola elevada a participación nos mesmos.
Rede Eléctrica Española vén de facer públicos os datos de xeración eléctrica e consumos no primeiro cuadrimestre de 2022, que certifican que a Galiza segue a ser grande exportadora da electricidade e que a produción de orixe renovábel supera as necesidades de consumo do conxunto do país.
Recabaron probas de ilegalidades que se están a acometer na Illa da Creba para denuncialas publicamente e poñelas en coñecemento das autoridades
A fuga de capitais rexistrou máximos históricos na Galiza no primeiro trimestre deste ano. Segundo os datos publicados polo Banco de España, as entidades de crédito asentadas no país expatriaron nese período un total de 28.988 millóns de euros do aforro cara a outros territorios, sendo a principal beneficiada a rexión de Madrid.
O Instituto Galgo de Estatística (IGE) vén de certificar que 249.825 persoas físicas e xurídicas desenvolven a súa actividade empresarial na Galiza, porén 4.165 teñen a súa sede fiscal en Madrid, onde pagan os seus principais impostos. Entre estas últimas, atópanse algunhas das grandes compañías galegas.
