estatística

A última vez que a inflación rexistrou unha taxa interanual negativa na Galiza foi en decembro de 2020. Neste sentido, desde o comezo de 2021, hai tres anos e medio, os prezos subiron 20,6%. Trátase dun período no que a Galiza rexistrou a segunda maior alza de custos entre as autonomías do Estado, só por detrás de Castela-A Mancha. Hoxe, o maior aumento do cesto da compra na Galiza persiste. A inflación aumentou 3,7% a nivel galego mentres que o IPC estatal rexistrou unha taxa de 3,4%.

A frota pesqueira galega perdeu unha de cada dez embarcacións entre 2012 e 2023, segundo corroboran os datos do Rexistro de Busques Pesqueiros da Galiza. Tan só no último ano, a caída de barcos activos neste sector foi de 37, sendo o descenso xeneralizado nas zonas de pesca galegas, ao atinxir oito das nove nas que Pesca da Galiza divide o territorio galego para elaborar a súa estatística.

A crise que atravesa o marisqueo na Galiza, cun devalo produtivo moi intenso na recollida de berberecho e das diferentes especies de ameixa, está a facerse notar tamén na cantidade de licenzas de actividade no sector, as cales se reduciron 17,6% desde o ano 2009. Tres de cada catro profesionais que se dedican ao sector son mulleres.