exposición

A exposición adicada a Ánxel Casal abre o pano no Vello Cárcere de Lugo, onde permanecerá até o vindeiro 15 de marzo.

O ano 2022 marca o centenario do nacemento de María Casares, unha das grandes actrices do teatro do século XX. Casares, que xa se converteu en mito e símbolo do teatro galego, será recordada durante todo o ano en diversas actividades que comezan agora a súa andaina cun ciclo de conferencias e unha exposición. 

A segunda parte da exposición Camiños do CGAC incide no feito de camiñar, andar e pasear como unha experiencia que estimula o pensamento e que permite reinterpretar a realidade desde parámetros críticos. O paseo transfórmase nun estímulo para a reflexión, unha invitación a refrescar a mirada ante o mundo.

Estase a conmemorar o cincuentenario da Casa-Museo da Matanza (Padrón) pola Fundación Rosalía de Castro, que promove diversas actividades para celebrar este aniversario. Desde o 10 de novembro, está a percorrer Galiza a exposición itinerante comisariada polo deseñador Pepe Barro que, coa estrutura simbólica dunha vivenda, conta a historia da casa de Rosalía e as circunstancias que levaron á conformación da actual fundación. A mostra, localizada actualmente na alameda de Compostela até o 25 de xaneiro, desprazarase por diversas localidades ao longo do ano 2022.

A alienación, o individualismo, o illamento, o consumismo... Isaac Cordal mostra en Bilbao unha sociedade inquietantemente distópica que lembra o inferno en que se pode converter o capitalismo levado ao seu extremo a través dunha frase irónica e terríbel: "O teletraballo faravos libres". 

Todo o traballo de Otero se basea nunha referencia orgánica que obviamente ten que ver cunha profunda identificación coa natureza, como se o artista quixese captar dela a súa pulsión, non a súa visión máis epidérmica.

Cal é o legado que a nosa sociedade lle deixará as xeracións vindeiras? Unha pregunta que serviu como detonador para o proxecto Estruturas de fusión, co que o artista Lois Cid gañou o Premio Galicia de Fotografía Contemporánea. O proxecto exponse agora en Lugo, desde onde iniciará unha itinerancia que percorrerá o país.

A exposición Castelao grafista -na sede de Afundación en Lugo até o 31 de xaneiro- permite contemplar a evolución da obra gráfica de Castelao e, ao tempo, valorar o proxecto artístico e político que se adiviña detrás de toda a obra do rianxeiro e que a converte nun proxecto ético e estético de primeira orde. 

A mostra da obra de Isabel Blanco, que acolle a sede da Deputación en Vigo, fecha o 7 de xaneiro. O proxecto amosa os espazos, ámbitos e profesións con menor presenza das mulleres.

A mostra homenaxea loitadoras contra o fascismo

O Diario 1921 de Castelao, escrito durante a súa viaxe por Europa, mostra un artista que participa do debate sobre a modernidade tentando que a Galiza non quede á marxe dos temas do seu tempo. O Museo de Pontevedra inaugurou onte unha exposición que recrea o itinerario físico e intelectual daquela viaxe. 

A pintura de Manuel Moldes mostra o interese na investigación sobre a cor e a percepción visual ao tempo que expresa axitación e incerteza, un desprendemento da realidade que é tamén  unha vontade de comprendela

A Deputación e o Consello da Cultura Galega (CCG) inauguran esta quinta feira a mostra, que estará dispoñíbel na capela de Santa María. Para dar a coñecer a relación entre o monarca e o país haberá visitas guiadas e mesmo un concerto.

A Deputación amplía o seu espazo museístico -será o dobre que en edicións anteriores- co gallo do evento. Así poderá expoñer as obras gañadoras do certames Novos Valores de 2019 e 2020.

Quintana Martelo traballa desde 2021 nunha serie, Containers, que toma como motivo os colectores que atopa nas rúas das cidades que visita. Unha mirada sobre os restos das urbes, antes vistas como emblema da modernidade. A serie, practicamente inédita, pode verse agora no MARCO de Vigo. 

A exposición Un humanismo moderno, que se pode ver agora en Vigo, desvela como o clasicismo plástico das décadas de 1930 e 1940 serviu de vehículo aos artistas do exilio galego para expresar un enérxico rexeitamento ás ditaduras fascistas que asolaban Europa. O neoclasicismo de Picasso serviu de detonador. 

Diego Vites resultou gañador, coa instalación Rosa, da duodécima edición dos Premios Auditorio de Galiza para Novos Artistas. A obra forma parte do conxunto de trinta propostas seleccionadas e expostas nun certame que marca o paso na evolución das artes. 

No vixésimo quinto aniversario do seu pasamento, dúas exposicións reivindican a figura de Lodeiro, vítima dun certo esquecemento académico e crítico que non lle fai xustiza á súa obra. 
 

A Fundación Barrié inaugura o vindeiro 7 de outubro unha exposición xestada durante o confinamento que indaga na forza da vulnerabilidade como cerna da natureza humana. 

Unha exposición en Guimarães reflexiona sobre o enigma dunha escultura, supostamente castrexa, que ocupou o pensamento dos nacionalistas de principios de século. Risco, Bouza Brey ou Cuevillas esforzáronse en lexitimar o achado do Coloso de Pedralva, unha figura que aínda mantén o misterio que a rodea.