exposición

O CGAC, Centro Galego de Arte Contemporánea, expón até o 3 de outubro unha retrospectiva de David Lamelas, artista arxentino de orixe galega que se converteu, a finais da década de 1960, nun dos máis conspicuos representantes da arte conceptual e nun dos seus máis recoñecidos referentes a nivel internacional. 

A mostra incluirá tamén obras de Casas, Rusiñol ou Nonell e poderá visitarse até o 17 de outubro

O día 4 de xuño, inaugurouse unha mostra do pintor Din Matamoro no Museo de Arte Contemporánea de Vigo. Baixo o título de "A mirada acesa", o coautor do álbum ilustrado Mondas (con María Infantes, Euseino? Editores, 2019) achéganos unha escolla das obras que realizou durante os últimos anos. Sinalan Miguel Fernández Cid e Pilar Souto Soto, encargados da exposición, que a pintura aparece nela como "materia viva". Así e todo, neste artigo, Carlos Lema achégase á obra de Matamoro prescindindo desa diferenza entre materia viva e materia inerte ao considerar a obra pictórica sen dependencia ningunha respecto da mente nin da mirada do suxeito. A obra como obxecto con existencia de seu.

Inaugúrase en Santiago a mostra Mira con outros ollos, que os pasados días 19 e 20 sufriu ataques vandálicos que danaron sete paneis expositivos.

Até finais de maio pode verse na Praza de Ourense de Pontevedra "Cantámola en galego. A canción en galego no século XXI", unha exposición que lle dá visibilidade á música cantada en galego en diferentes estilos. A exposición, organizada pola Concellaría de Normalización Lingüística e Xuventude de Pontevedra e comisariada polo crítico musical Pepe Cunha e pola xornalista Teresa Cuíñas, combina paneis explicativos con listaxes de reprodución en Spotify e de vídeos en YouTube aos que se pode acceder a través dun código QR. 

"Non se entende a ‘Xeración Nós’ sen espazos desta cidade", afirmou a presidenta da Deputación, Carmela Silva, na inauguración da mostra 'Galiza, de Nós a nós' que estará aberta até o 11 de xullo no edificio Castelao do Museo provincial.

Laiármonos de que non haxa cancións suficientes en lingua galega é cousa do século pasado. Pontevedra amosa a enorme diversidade musical no idioma propio da Galiza cunha exposición que pode visitarse todo este mes de maio na praza de Ourense.

A Sala Alterarte, situada no Campus Universitario de Ourense, fornece unha aventura expositiva que entra na intimidade dos corpos. A mostra, que forma parte da cuarta edición do proxecto 'Estado Crítico. 12 Curador*s e 12 Artistas', que dirixe Xosé Manuel Buxán Bran e está a cargo do 'curador' Vítor Nieves, nace da creatividade da artista Deebo Barreiro.

Catro proxectos de cinco artistas da Galiza son os encargados de reabrir as salas da planta principal do Marco de Vigo, que permanecían fechadas desde o comezo da pandemia. 4 proxectos é unha mostra que responde a un desafío: expor obras que dialoguen coa peculiar arquitectura do museo, organizada segundo os principios do panóptico. A resposta é un proxecto expositivo que nos propón diferentes formas de mirar a realidade e permiten descubrir perspectivas inéditas.
 

A exposición Cultivar incertezas: Reformular o espazo/conmocionar a mirada escolma a obra de 30 artistas saídos da Facultade de Belas Artes de Pontevedra nos últimos 30 anos.

Unha exposición no CGAC repasa a traxectoria de Pauline Oliveros, unha figura fundamental na vangarda sonora do século XX:

A Fundación Laxeiro vén de inaugurar unha mostra individual de Ignacio Pérez-Jofre, 'No chan', que retoma o concepto de 'deriva' do filósofo situacionista Guy Debord para mostrar outra forma de ver a cidade de Vigo. Un traballo realizado mediante a adhesión da sucidade do chan urbano amósase, a un tempo, poético e revelador.

O misterio, ese algo máis alá do material que suxire tamén moitas veces o engano visual, é o pretexto que vencella os traballos de Lois Patiño (Vigo, 1983) e Jorge Periannes (Ourense, 1974), xuntos en 'Dobre Quadratura'. A mostra xa pode volver visitarse na Casa do Cabildo, en Compostela, espazo central nas pezas. 

Sete instrumentos medievais feitos polo Centro de Artesanía e Deseño estarán nunha mostra itinerante.

A senlleira ollada do Entroido do fotógrafo Tono Arias, que condensa máis dunha década de traballo arredor da festa, semella hoxe case premonitoria nalgunhas das súas imaxes, que xogaban cos espazos domésticos. Mais tamén poden ser un bo bálsamo para a nostalxia destes días. Agrupadas en varias series, o seu labor en 'DesXeo' foi candidato ao mellor libro do ano no festival de Arlés, en Francia, país onde expuxo no Museo de Fotografía de Lille, pasando tamén por Barcelona, no marco do Fòrum Fotogràfic Can Basté. 

Logo de Ferrol o e A Coruña pasará a continuación por Carballo

Criticado no seu momento por destruír as vistas ao mar do campo de fútbol, co tempo o Pazo dos Deportes de Riazor erixiuse nun recinto mítico para o deporte -e a cultura- da Galiza, acumulando xa unha traxectoria de 50 anos que hoxe se percorre nunha peculiar exposición exterior adaptada ás circunstancias actuais.

O Consello da Cultura inaugura mañá unha mostra en Compostela