festa

Esta terza feira comezou a promoción da Festa do Melindre e da repostaría tradicional de Melide. A primeira das actividades da programación previa foi un obradoiro-cata na Escola A Cancela, nas Neves (O Condado), impartido por Alberto Rodríguez, presidente de Asociación Melide Terra Doce. Neste sentido, a cata estivo dirixida ao alumnado do ciclo medio de panadaría, repostaría e confeitaría do centro de ensinanza.

De Fuxan os Ventos á Quenlla pasando por Ana Kiro e máis recentemente Ailá. O Nadal é unha das temáticas máis recorrentes na música galega editada principalmente na segunda metade do século XX e, como non, na música máis tradicional como os cantos de reis, os aninovos ou as coñecidas panxoliñas. A temática natalicia ten sido unha fonte inesgotábel de cantares na cultura popular galega de onte e hoxe.

"A idea é visibilizar a vila, que para o perto que está de Ourense poidamos recibir algo máis de visitas, que a xente vexa como é. Hai moitas casas que están abandonadas ou en venda desde hai anos e non se compran. Isto serve para darlle un pouco de actividade e dalo a coñecer", salienta Pilar, veciña e promotora desta iniciativa.

Artesanía, música e baile fecharán este sábado a oitava edición da festa

A festividade local máis repetida é a do 16 de agosto, San Roque, escollida por multitude de concellos do país, entre eles a capital galega.

Marcos Gallego (A Veiga, comarca de Valdeorras, 1958) é un dos organizadores de Mares da Fin do Mundo, un festival comprometido coa creación audiovisual, mais tamén co medio marítimo e o sector pesqueiro, e que se celebrará en Outes (comarca de Noia) até o 5 de novembro.

"En canto se detecta que algunha discoteca non se axusta á licenza, procédese ao seu fechamento para evitar calquera risco", precisan desde o Concello de Santiago.

A festividade de Santos e Defuntos gañou en presenza e diversidade iconográfica mais non deixo de celebrarse nunca.

Os feitos aconteceron nas festas patronais de agosto.

Lugo celebra desde hoxe a súa semana grande de festas con máis de 200 actividades nas que se mestura tradición e modernidade. Neste San Froilán haberá concertos como os de The Rapants, Grande Amore ou Luar na Lubre, como eixo vertebrador de oito días de troula nos que haberá humor, teatro, actividades infantís...

No apartado musical salientan as actuacións de Grande Amore, Luar na Lubre, Carolina Durante ou La M.O.D.A..

A zona monumental de Pontevedra é o escenario da Feira Franca. Durante esta cita, que se celebra todos os anos na primeira fin de semana de setembro, a cidade viaxa no tempo ao Medievo para revivir os torneos entre cabaleiros, escoitar as cantigas de xograres e mercar pezas de artesanía. Terá lugar esta sexta feira 1 de setembro e o sábado día 2.

A festa contará un artista do Circo do Sol

Cada noite anterior ao cuarto domingo de agosto, Chantada celebra o Folión de Carros. Unha tradición ancestral que supón unha verdadeira manifestación cultural de indubidábel valor etnográfico. Se ben a súa orixe non está clara, o que si se pode afirmar é que se trata dunha celebración centenaria, que cada ano enche de historia as rúas da vila do Asma e transporta a súa poboación a tempos pasados converténdoa en 'carroceira' a través do histórico carro galego e da fortaleza das xugadas que del tiran. 

A oralidade como forma de conservación da tradición é o fundamento que guía a organización do festival Castelo Conta en Culleredo, unha iniciativa pensada polo humorista Xosé Touriñán para reunir a veciñanza nun espazo no que se dan cita actividades diversas coa palabra como elemento condutor.

A Festa do Demo é un exemplo do folclore popular que cómpre manter vivo, ao demostrar a súa vixencia á hora de ofrecer divertimento

Chega unha nova edición da Romaría Labrega da Chaira á aldea dos Vilares co obxectivo de encher de música, deporte, gastronomía e xogos populares, entre moitas outras actividades, o concello de Guitiriz. Isto na procura de reivindicar o valor dos oficios tradicionais que se desenvolvían no rural galego nunha xornada de xuntanza para a veciñanza. 

A Carballeira de Zas (Terra de Soneira) convértese hoxe e mañá no anfiteatro natural perfecto para un festival que reivindica o folclore e a música tradicional na procura de dúas xornadas de troula nunha paisaxe inmellorábel. O respecto pola natureza e o protagonismo de grupos emerxentes son algunhas das premisas que guían a filosofía da festa. 

O Concello de Santiago volveu decretar o feche e o precintado da discoteca Ruta, situada no ensanche compostelán, esta vez como sanción por incumprir a normativa de ruídos. Así o confirmaban fontes do Goberno local, que detallan que permanece fechada desde o 27 de xullo, unha vez pasadas as Festas do Apóstolo. Pese ao precintado, aínda está aberto o trámite da sanción por incumprimento da normativa de ruídos, á espera de que a empresa encargada do local (Apolo Universal SL) alegue o que estime oportuno e se resolva definitivamente.