galego

Navantia e Barreras aínda non saben nada da prometida carga de traballo que fixo o PP en campaña electoral. O Concurso internacional en que se escollerá a construción de dous buques hotel, atrásase.

A Plataforma Queremos Galego convocou para o 27 de xaneiro unha manifestación en Compostela para exixir ao goberno galego que derrogue o decreto de plurilingüismo, após as sentenzas do TSXG.

O Partido Popular vén de facer público que proporá na cámara unha condena institucional do "terrorismo en xeral e de Resistencia Galega en particular". O detido, será trasladado a Madrid para prestar declaración perante a Audiencia Nacional. Convocan unha manifestación de apoio en Compostela.

Unha ofrenda floral no Panteón de Galegos Ilustres vai ser a homenaxe á memoria de Daniel Alfonso Rodríguez Castelao que realizará esta mesma tarde o Goberno galego con motivo do 63 cabodano do autor do Sempre en Galiza.

Os datos de desemprego tirados a pasada quinta feira amosaron que máis de dous mil postos de traballo foran destruídos no último mes do ano. Mais que se agocha tras dos índices de paro en Galiza?

Once galeg@s saltaron ao campo este sábado coa camisola da selección de Galiza para xogar un partido contra o Curdistán. Centos de persoas asistiron ao encontro e milleiros seguírono polas redes sociais. Mais nos grandes medios, tanto privados como públicos da Galiza, o silencio sobre esta cita histórica foi total

Árbitro federado, participou no encontro internacional anual da selección galega de fútbol que Siareir@s Galeg@s (SSGG) organizou en 2010 en Ourense. Daquela tivo verdadeiros problemas coa federación por ese motivo e denuncia, ademais, o españolismo que hai nesta institución

Centos de persoas secundaron a convocatoria da plataforma Stop Desafiuzamentos que chamaba a se mobilizar en sete cidades do país para denunciar esta lacra e sinalar responsábeis. "Xente sen casa, casas sen xente", unha das palabras de orde das manifestacións e que resumía o paradóxico dunha crise que bate con dureza en milleiros de familias

Com Marful prepara o seu terceiro disco numha trajetória que é abundante em iniciativas criativas. Entre elas, 'Acrobata', esse encontro coa música popular brasileira através da parceria com Fred Martins que está na sua recente conta de discos. Chouteira, Ecléctica ensemble ou Nordestinas som alguns dos nomes de grupos que nascerom arredor desta mulher que tem merecido um posto de luxo na nossa música. Ugia Pedreira dirige o centro de formaçom, investigaçom e promoçom da música popular galega acentral folque através do que nascem a cada pouco novos projetos arredor da nossa música.

Este ano celebrarán o 17º aniversario da súa fundación traballando na promoción e legalización das nosas equipas deportivas a nivel internacional. O día 29 de decembro organizan o partido Galiza-Kurdistán en Pontevedra.

O presidente da Xunta, Alberto Núñez Feijóo, condicionou hoxe no Parlamento o acatamento sen presentar recurso ás sentenzas do Tribunal Superior de Xustiza de Galiza (TSXG) sobre o decreto do galego a que o BNG acepte o resto da norma. En resposta a unha pregunta do voceiro do grupo do Bloque, Francisco Jorquera, na primeira sesión de control da lexislatura, Feijóo ofreceu “aparcar as diferenzas” en materia lingüística e retomar o “consenso” sobre a base das sentenzas do tribunal galego, que según a súa interpretación avalan “o 95%” da normativa.

Cidades e vilas do país acolleron concentracións e mobilizacións convocadas pola Alianza Social Galega para rexeitaren as políticas antisociais do PP e demandaren "outra saída" da crise que non pase por recortes e medidas contrarias a dereitos e conquistas da maioría social

O ministro de Economía, Luis de Guindos, confirmou que o FROB vai ficar co 100% de Novagalicia Banco. A afirmación implica que tanto novacaixagalicia como o grupo de grandes empresarios que posuían investimentos (181 e 70 millóns, respectivamente) na entidade perderano todo

Os galardóns entregaranse nesta cuarta feira nun acto que se vai realizar no Pazo da Pedreira de Pontevedra

 

A Comisión rectora do fondo de reestruturación ordenada bancaria (FROB) vén de situar o valor económico de Novacaixagalicia Banco en 3.091 en negativo. O comunicado fíxose público onte, un día antes de que o Parlamento realice a súa sesión plenaria que inclúe o debate da creación da comisión de investigación das caixas.

Unha delegación do BNG reuniuse co comité de empresa de NGB para valorar o futuro da entidade, sometida a un plan de reestruturación que implica 2.500 despedimentos e que poderá acabar coa venda ou liquidación ordenada do banco. O voceiro parlamentar nacionalista, Francisco Jorquera, anunciou que pedirán que se depuren responsabilidades na comisión de investigación das caixas, así como a comparecencia na mesma de Núñez Feijóo

Tanto o presidente Núñez Feijóo como o Conselleiro de Cultura Jesús Vázquez tiñan afirmado que o TSXG lles daba a razón nas sentenzas que botaban abaixo o decreto do galego. Mália iso, a Xunta de Galicia ven de presentar un recurso de casación contra a sentenza, segundo foi notificado a Queremos Galego.