Greenalia

O Banco Europeo de Investimentos (BEI) concedeu un crédito de 60 millóns de euros á planta de biomasa de Greenalia en Curtis —xa operativa—, cuxa eficiencia enerxética e cumprimento da normativa europea pon en cuestión un informe da asociación ecoloxista Salva la Selva ao que tivo acceso 'Nós Diario'.

A directiva de Greenalia mantén o seu posto como conselleira independiente de Euskaltel após consumarse a OPA lanzada por MásMóvil.

A Xunta autoriza o parque eólico Bustelo, ao carón dos aeroxeradores —actualmente en fase de tramitación— de Campelo e Monte Toural, cos que compartiría infraestruturas.

Os parques eólicos Brisa, Céfiro e Galerna, que Greenalia está a tramitar a través do Miteco, situaríanse en medio do Camiño de Inverno e a Vía da Prata. Aliás, nos estudos de impacto ambiental consta a presenza de especies da avifauna vulnerábeis como a tartaraña cincenta, o miñato real ou a gatafornela.

Pasaron pola Consellaría de Mato cinco proxectos de Greenalia, entre eles parques eólicos

A enerxética rematou onte mesmo a construción dos parques eólicos Alto da Croa, Alto da Croa II e Monte Tourado (Vimianzo), e na cuarta feira iniciou a tramitación dun novo. Desde Greenalia afirman que se presentaron por separado "por razóns de organización interna" e aseguran que todos eles foron sometidos "á avaliación ambiental máis exixente", polo que negan que se puidese tratar dun posíbel caso de "fragmentación fraudulenta" como fora o caso de Sasdónigas, en Mondoñedo.

A sociedade Volantis Renovables vén de solicitar ante o Ministerio para a Transición Ecolóxica a construción de catro parques eólicos —Afrende, Entremarcos, Negueira e Sembra—, que sumados aos que xa están en tramitación alcanzarían os 44 pola vía estatal. A Xunta xa emitiu informes desfavorábeis contra 36 deles por afectaren espazos protexidos ou situárense á marxe das áreas delimitadas no Plan Sectorial Eólico; porén, de se aprobar a totalidade deles, duplicaríase a potencia eólica que actualmente ten instalada Galiza.

A solicitude de Iberdrola ao Ministerio de Transición Enerxética para instalar dous parques eólicos mariños fronte ás costas galegas representa un paso decisivo para a xeración enerxética con esta tecnoloxía. Ao tempo, outros operadores do sector, entre eles o galego Greenalia, traballan en proxectos semellantes a executar noutros puntos do país. As iniciativas chegan nun momento de grandes incentivos públicos á produción renovábel, a través de programas como o Next Generation e cando o Executivo español traballa na elaboración dun plan para o desenvolvemento da eólica mariña. 

Greenalia prevé erguer no Monte Grande de Bande un parque eólico, o de Fonsanta, que se sumaría aos do Vieiro (xa operativo) e Monte da Neve (en fase de solicitude) e que cercaría a Reserva da Biosfera Gerês-Xurés. Persoas expertas veñen de presentar alegacións polo "alto impacto" que tería o proxecto neste espazo.

A alcaldesa, Beatriz Bascoy, asegura que procuran "información aquí e acolá para saber como nos afectará este boom eólico". "Non é fácil porque hai pouca dispoñíbel e é difícil de atopar", engade. Por iso, van intentar achegar algúns datos á veciñanza.

A Plataforma SOS Patrimonio Monte do Gato Seselle presenta alegacións ao parque eólico Penas Boas e reclama unha exhaustiva análise de sinerxias sobre a Ruta Xacobea dos proxectos Felga, Gato, Feás, Fontella e Seselle pola grande dimensión dos aeroxeradores e a súa proximidade ao Camiño Inglés a Compostela.

A carreira da ex conselleira de Medio Ambiente Beatriz Mato continúa imparábel. Greenalia, compañía que a fichou como directora de Desenvolvemento Corporativo e Sustentabilidade, anunciou na sexta feira que a incorpora ao Conselleiro de Administración, ao que tamén se suman o empresario José María Castellano e o seu fillo Pablo Castellano.

Adega denuncia que Greenalia, empresa da que é directiva a ex conselleira Beatriz Mato, tivo acceso a "información privilexiada" ao incluír no estudo de impacto ambiental do parque eólico O Cerqueiral senllas mencións a plans de conservación de especies que aínda non foran aprobados e expostos no Diario Oficial da Galiza (DOG).

Seis parques eólicos, que a veciñanza denuncia que conforman un único 'macroproxecto', ameazan o emblemático Monte do Gato. Aliás, o recente achado dun Ben de Interese Cultural na contorna e a afección directa ao núcleo dunha Reserva da Biosfera poñen en cuestión a viabilidade destas infraestruturas.

Cando Beatriz Mato exercía como conselleira de Medio Ambiente pasaron polas súas mans cinco proxectos de Greenalia, a súa actual empresa. Porén, e malia acceder ao sector privado menos de dous anos despois de deixar o cargo (como fixa a lei), a Xunta considerou que non existía "incompatibilidade" ao non ter resolto "ningún" expediente. Si o fixo a directora xeral de Calidade Ambiental, nomeada pola propia Mato e subordinada dela, alén de ser a persoa competente para asinar este tipo de documentación.

Mato, directora de sutentabilidade de Greenalia e conselleira en Euskaltel, exercerá de vocal na directiva da patronal Asime

Denuncian ante a Valedora do Pobo a falta de transparencia da directiva do colectivo veciñal Ventos Milleiro, cuxo presidente é concelleiro na corporación local. 

Ecoener, a próxima firma galega de renovábeis en salir a bolsa, suma dous ex ministros populares ao seu consello de administración.

A multinacional está decidida a fechar as instalacións que ten no concello das Somozas. Desde a Dirección Xeral de Traballo advirten que se segue adiante podería incurrir "graves deficiencias de fondo e de forma".

A dirección da empresa rexeitou encargas de Greenalia e Enel que darían carga de traballo á factoría galega