igualdade

“A mellor forma de loitar contra o patriarcado é a través da sororidade e é moi, moi pracenteiro”, “son feminista porque non quero ter máis privilexios por ter pene”, “son feminista porque penso que é o único xeito de formar unha sociedade equitativa”... estas son algunhas das razóns que impulsaron un grupo de alumnas e alumnos a formar parte do comando de igualdade, unha iniciativa revolucionaria que naceu nun instituto do barrio de Coia, en Vigo. Eis a reportaxe publicada no Sermos Galiza 265.

Desde o inicio do novo goberno na Deputación da Coruña, Ánxela Franco, concelleira do BNG en Porto do Son, dirixe as áreas de Benestar Social, Educación e Políticas de Igualdade de Xénero. A loita contra a violencia de xénero e a igualdade son obxectivos prioritarios dunha acción de goberno que nos explica nesta entrevista.

Este domingo fechamos con Margarida Corral, secretaria confederal de Muller da CIG, esta serie de entrevistas do #VenhanMais5. Ao longo de máis de dous meses, foron aparecendo neste espazo múltiples voces do país para achegarnos as súas impresións e tamén as súas achegas e suxestións sobre o futuro de Sermos. Moitas grazas a todas elas!

Os denominados Consellos da Muller Nova son órganos de debate, reflexión e propostas sobre estas cuestións e nos que o alumnado vai ser o protagonista. Comezarán a operar a partir de setembro.

Este domingo quen toma a palabra en #VenhanMais5 é Mercedes Oliveira, catedrática de Filosofía do instituto Alexandre Bóveda de Vigo e especialista na educación afectivo-sexual na adolescencia. 

Sandra Lage ten 20 anos e é unha das alumnas do IES Politécnico de Vigo que participou no proxecto "Son feminista...", dirixido polas profesoras Carme Adán e Ana Ojea. Estuda o segundo curso do Bacharelato de Artes para persoas adultas e nesta conversa explícanos por que decidiu sumarse ao vídeo.

A iniciativa conta con centos de apoios sindicais, empresariais e de organizacións de consumidores do país con fin de que “desaparezan as situacións de discriminación nas que se obriga a persoas a deixaren de falar galego para recibir servizos ou atención”.

Nunca 140 caracteres deran para abrir tantas reflexións a respeito do machismo. A campaña #PrimAcoso aínda fai ferver as redes sociais. Falamos coa súa impulsora, a concelleira de Igualdade de Pontevedra, Carme Fouces (BNG). Deixamos aquí un extracto da entrevista, que podes ler completa no Sermos Galiza 224, xa á venda na loxa online e nos quiosques.

Unhas xornadas en Ourense debaten sobre a importancia do feminismo para construír outra Europa. Organizadas por AGEe e o grupo GUE/NGL do Parlamento europeo. Contará coa presenza de diversas relatoras para falar de cuestións como o ecofeminismo ou os micromachismos.

Contra os elementos é o título do documentario que área de Benestar Social, Educación e Políticas de Igualdade da Deputación da Coruña, da que é responsábel a nacionalista Ánxela Franco, acaba de estrear para pór en valor deportes minoritarios e visibilizar as mulleres no deporte. A concelleira do BNG en Porto do Son e responsábel de Políticas de Igualdade na Deputación da Coruña fálanos nesta entrevista da fita producida por Esferobite e dirixida por Marcos Nine.

A Xunta incorpora a optativa en primeiro e segundo de Secundaria. Terá unha hora semanal de carga lectiva. 

As candidatas do BNG-Nós Candidatura Galega e a portavoz nacional do Bloque, Ana Pontón, presentaron na mañá do sábado na cidade da Coruña as propostas arredor da igualdade e contra o terrorismo machista nun acto conducido pola actriz Isa Risco.

Desde a quinta feira a Marcha Mundial das Mulleres realiza en Vigo un encontro no que analiza a situación política en Europa, prepara a axenda dos próximos anos e debate arredor das respostas ás agresións que sofren as mulleres.

Susana López Abella asegura que o decreto aínda está en proceso de tramitación e sinala que mantivo reunións cos cadros de persoal malia que as traballadoras denuncian que as súas demandas foron "deturpadas".