igualdade

Pensar é un acto revolucionario. E o último libro de Carme Adán (Donostia, 1966) –catedrática de Filosofía no IES Politécnico de Vigo, coordinadora de Pensamento e Sociedade no Consello da Cultura Galega e ex secretaria xeral de Igualdade– é unha invitación a facermos a revolución desde o pensamento. Feminicidio. Unha nova orde patriarcal en tempos de submisión (Galaxia) é un percorrido pola epistemoloxía feminista para axudarnos a entender a violencia contra as mulleres máis alá dos datos que dan conta do número de asasinatos, denuncias e violacións de mulleres polo feito de ser mulleres. Eis un extracto da conversa publicada no número 330 de Sermos Galiza.

Remei Sipi (Rebola, Guinea Ecuatorial, 1952) é unha africana da diáspora. Emigrou a Catalunya en 1968, ano en que Guinea Ecuatorial deixou de ser colonia española. As súas orixes están na illa de Bioko, onde teñen unha palabra para alentar a estima das mulleres. Waiso, en bubi, quere dicir ‘muller érguete, espílete, dignifícate’, un adaxio que lle valeu para traballar desde o activismo cultural e de xénero. Acaba de estar na Galiza para debater sobre feminismo, migración e a experiencia das mulleres africanas. Eis un extracto da conversa publicada no número 325 de Sermos Galiza.

Antropóloga, académica e investigadora, Marcela Lagarde (Cidade de México, 1948) é unha das figuras con maior relevancia no feminismo. De feito, as súas obras sentaron as bases de conceptos como sororidade e acuñou o termo feminicidio. Desde o seu escano como deputada do Partido da Revolución Democrática, a estudosa marxista impulsou a Lei para o acceso das mulleres a unha vida libre de violencia. Aténdenos ao remate dun seminario de apoderamento das mulleres na contorna universitaria organizado na Facultade de Ciencias Políticas da USC pola rede Armela e a Oficina de Igualdade. Eis un extracto da entrevista publicada no número 323 de Sermos Galiza.

O machismo ten moitas facianas. A realidade indica que a violencia sobre as mulleres atinxe todos os eidos da vida, incluído o laboral, un ámbito sobre o que apenas hai estatísticas, mais no que as denuncias aumentaron máis dun 17% no último ano. Eis un extracto da reportaxe publicada ao respecto no número 323 de Sermos Galiza.

A escritora Ánxela Loureiro (Ferrol, 1956), autora de diversos títulos de literatura infantil e xuvenil, leva meses embarcada nun proxecto diferente: a investigación sobre as actividades políticas que realizaron as mulleres da bisbarra de Ferrol nos últimos anos do franquismo. Eis un extracto da conversa publicada no número 302 de Sermos Galiza.

Máis de 170 millóns de mulleres en todo o mundo padécena. Na Galiza, estímase que lle afecta a 60.000 e que 9.000 posúen o grao máis grave. É a endometriose, unha doenza que consome por dentro e provoca dores extremas. Abordamos distintas perspectivas da enfermidade, que consiste no crecemento anómalo do endometrio, da man de mulleres que a padecen, dunha xinecóloga e dunha sexóloga. Eis un extracto da reportaxe, publicada no número 289 de Sermos Galiza.

Maiores e dependentes son un sector social vulnerábel que acostuma ficar esquecido e, aínda detrás delas e deles, fica a figura das coidadoras. Eis un extracto da reportaxe publicada no Sermos Galiza 287.

Desborda enerxía. Anuncia que, de comezar a citar os proxectos que impulsa desde a Área de Igualdade e Benestar Social da Deputación da Coruña que ela dirixe, precisaría dun tempo que excede esta entrevista. Ánxela Franco Pouso, concelleira do BNG en Porto do Son, defende que a área de servizos sociais é un investimento no máis urxente e necesario e critica que o ministro de Facenda, Cristóbal Montoro, “siga tratándoa como área de gasto”. Eis un extracto da entrevista publicada no Sermos Galiza 284.

Dolores G. Docobo, enfermeira no centro de saúde de Ribadeo, e Luísa Couceiro, directora e asesora xurídica do CIM de Ribadeo, ofrecen para Sermos Galiza unha radiografía do combate contra a violencia machista desde o ámbito local.

Doutora en Ciencias Físicas pola USC, Ana Xesús López é profesora da Área de Enxeñaría Mecánica da UDC e forma parte do Laboratorio de Aplicacións Industriais do Láser (LAIL). Desde 2012, é a directora da Oficina para a Igualdade de Xénero da UDC, que vén de aprobar un regulamento interno que recoñece o dereito á identidade de xénero, ao permitirlle ao estudantado empregar o nome que decida. Desde decembro de 2015, é a presidenta da Asociación de Mulleres Investigadoras e Tecnólogas (AMIT) de Galiza. Conversamos con ela sobre ciencia e xénero. Eis un extracto da entrevista publicada no Sermos Galiza 271.