ECONOMÍA
Ricardo Suárez
14/dec./22 22:05
Os prezos seguiron coa súa escalada na Galiza no mes de novembro, cunha suba dunha décima porcentual con respecto a outubro e cun incremento de 7,5% en comparanza co mesmo mes do ano anterior. O prezo dos alimentos acumula xa 14 meses de suba mensual consecutiva. Así, a cidadanía galega paga 15% máis pola alimentación que no mes de novembro de 2021. En termos interanuais, os alimentos e as bebidas xa encadean 38 meses de suba.