literatura

O ensaio critica  procederes dos distintos axentes do sistema cultural tendentes á desprofesionalización do oficio autorial e á minusvalorización das súas achegas.

Sara Vila (As Neves, 1989) é a autora de 'O incendio', o título galardoado co XLII Premio Blanco Amor de novela que convoca a Deputación de Ourense. A obra xira arredor da adolescencia, os coidados e as problemáticas presentes no día a día do rural.

Andrea Maceiras (A Couña, 1987) é a autora de 'Burbullas de calma serena', unha obra infantil editada por Cuarto de Inverno e que mestura a educación emocional con elementos propios da ciencia ficción, como os extraterrestres.

O real confróntase coa simulación do real no novo libro de Antón Reixa, 2ª man (Chan da Pólvora). O poeta desvela as trampas ideolóxicas que conforman a nosa visión do mundo, ao tempo que sinala os lugares onde se refuxia a beleza na sociedade contemporánea. O autor liberará a súa performance Acción Anakoluto no local Río Lagares de Vigo esta quinta feira.

A Federación de Librarías da Galiza conta desde este mes de decembro cun novo equipo directivo, que asume os retos e necesidades do sector. A dirección está liderada por Cielo Fernández, propietaria da Libraría Bahía en Foz (A Mariña), que afronta esta nova etapa da Federación con ganas e ilusión por superar as dificultades que o sector do libro encara no futuro máis próximo.

María Álvarez Martínez (Vigo, 1983) vén de ser galardoada co Premio de Poesía Victoriano Taibo polo seu poemario 'Dakota'. A poeta aborda a súa experiencia persoal vivindo na rexión estadounidense, mais tamén temáticas como os lazos familiares ou o desarraigo.

En todo o mundo estanse a repetir episodios de censura que castigan creadoras e creadores que mostran a súa solidariedade co pobo palestino. As ameazas á liberdade de expresión e a reacción do mundo da arte demostra que as batallas culturais teñen unha grande importancia na loita por manter os principios democráticos ante as ameazas totalitarias. 
 

A Culturgal prepara a súa décima décimo sexta edición con especial atención ao audiovisual galego

Andrea Barreira (A Fonsagrada, 1986) vén de ser galardoada co Premio Agustín Fernández Paz de narrativa infantil e xuvenil pola igualdade grazas á súa obra 'Quen precisa unha avoa?'. Barreira aborda os coidados e as necesidades de crianzas e maiores, mais tamén as esixencias que a sociedade pon sobre elas.

Rafael Fernández foi galardoado co Premio Raíña Lupa pola súa obra 'As pedras verdes', que xira arredor da conquista de América tratando temas como a violencia, a vulnerabilidade e o medo.

A Sección de Literatura conmemorou esta terza feira 'Voces da narrativa', unha cita na que o público puido escoitar tres conversas entre autores e autoras por baixo dos corenta anos.