literatura

Os Premios da Crítica chegan hoxe á súa 46ª edición e nesta ocasión decidiron recoñecer de maneira extraordinaria Bieito Ledo polo seu papel como presidente fundador dos galardóns.

Edelmiro Méndez deixou tras de si un arquivo fotográfico inmenso a través do que achegarse á Galiza do século pasado. Unha obra de gran valor etnográfico que a editorial Canela publica co título 'Edelmiro Méndez. Da Terra que fomos'. O libro recompila o traballo deste fotógrafo da Pontenova (A Mariña) realizado entre 1957 e 1964 e conta coa colaboración de Xosé Manuel Méndez, fillo do fotógrafo. Será presentado hoxe, ás 20.30 horas na Casa da Cultura da Pontenova.

Hoxe, 25 de outubro, conmemórase a primeira visita de Lorca á Galiza, en 1916. Seguen agromando os vínculos da obra do poeta e dramaturgo coa poesía de Rosalía de Castro e, en xeral, a súa paixón pola lírica galega de todos os tempos.

Comeza a II edición do festival que celebra a poesía nova galega.

O dítame valorou na novela o novidoso enfoque sobre o idadismo (discriminación contra persoas ou colectivos por razóns de idade, especialmente cando esta se produce contra as persoas maiores).

Soutullo é actualmente director da Fundación Penzol e conselleiro da Editorial Galaxia, na que desenvolveu unha dilatada vida profesional no ámbito da edición e da produción cultural.

Néstor Rego defende trasladar ao noso País o códice que contén esta obra medieval galega, albergado na Biblioteca Nacional de Madrid, para a súa conservación, valorización e exposición pública.

Xurxo González naceu na Patagonia arxentina, desde a que migrou a Vigo con 13 anos, cando a xente da Galiza embarcaba para facer a mesma travesía en sentido contrario. Agora, con 81 anos, recolle todas estas lembranzas en 'Memorias de Xurxo O americano', libro autoeditado que será presentado hoxe na libraría Cartabón (Vigo) ás 20 horas.

Unha das reivindicacións históricas do sector editorial é que se estabelezan axudas diferentes para a tradución e para a tradución inversa, é dicir, para a tradución doutras linguas ao galego e do galego a outras linguas

Rosario Regueira, escritora, vén de publicar 'Retrato de ida e volta', unha historia sobre dúas mulleres, avoa e neta, que se ven obrigadas a escapar das súas vidas no rural e na cidade, respectivamente.

O galardón de poesía mellor dotado economicamente da Galiza, convocado anualmente desde 2002, foi nesta edición para a obra do escritor Rafa Vilar (Cee, 1968). O poeta conversa con 'Nós Diario' dese poemario gañador e dos premios literarios na Galiza.

A obra 'As pedras verdes' é a gañadora cunha historia que aborda a conquista de América desde un punto de vista pouco habitual.

Estevo Creus e Alba Cid, poetas, xunto con Xosé Miguélez, saxofonista, están detrás do espectáculo de poesía escénica 'A faia de Ponto', unha intervención que busca dialogar cos espazos naturais e os contextos onde se celebra.

Irene Solá converteuse nun fenómeno editorial coa súa anterior novela, 'Canto eu e a montaña baila'. Agora, con 'Deiche os ollos e miraches as tebras' —ambas en Kalandraka— recrea un día que contempla catro séculos de Historia nunha masía catalá habitada polos fantasmas das mulleres dunha familia marcada por un pacto co demo, para reflexionar sobre os mecanismos da memoria.

Despois da insistencia das lectoras e dos lectores, María Canosa vén de publicar 'Muriel. Caos no laboratorio lácteo' (Xerais), a segunda parte dunha historia que segue as aventuras dun rapaz moi normal e do seu raposo, Blim.

O profesor Xosé Ramón Pena sinala como foi e se mantén un lugar común na historia das letras galegas facer fincapé na "modernidade" e "europeidade" do grupo Nós e no seu carácter de "mestres incontestados". Sen dúbida, trátase de percepcións que han de ser matizadas e corrixidas, propón o profesor, xa que en realidade, a común pertenza ao movemento do galeguismo non ha de ocultar en ningún caso a verdadeira pluralidade de opcións nunha xeración brillante, "os anos de prata".