literatura

Ana Carreira, actriz e pedagoga teatral, foi galardoada co Premio Manuel María de literatura dramática infantil pola súa obra Nin me amoles, onde mestura a presenza dalgunha criatura máxica co tratamento de temas fundamentais para a infancia. Carreira aborda temáticas como o acoso ou o feminismo, así como as características das obras dirixidas a crianzas, xa que como di ela, “se van ao teatro queren divertirse, non só que lles deas unha lección”. 

Bárbara G. Vilariño, xornalista e parte do equipo de coordinación do Club de Lectura Queer da Coruña, foi a encargada de presentar as II Xornadas de Diversidade Afectivo-Sexual nas series de televisión organizadas polo Concello e a asociación LES A Coruña. Vilariño aborda as eivas da ficción en canto a representación e relevancia xa que, como ela di, “sabendo como é o mainstream, traballar desde aí tamén pode axudar”. 

Iago Varela, enxeñeiro, vén de autopublicar o seu primeiro libro, A rebelión dun buda: e as chaves da última realidade. Varela aborda o proceso que o levou a escribir esta obra, así como os beneficios que ve na filosofía oriental que, como di, "cría que sería capaz de axudar moita xente". 

Pontevedra acollerá a homenaxe impulsada pola AELG no mes de xuño.

Unha amizade con Ferrol ao fondo. Correspondencia entre Carvalho Calero e Tomás Barros (1947-1983) é o título do libro que o filólogo e escritor Xosé Ramón Freixeiro Mato presentou onte no centro cultural ferrolán Torrente Ballester. 

Pepe Carreiro, Domingo Villar e Carmen Mola, entre os autores máis demandados o pasado ano.

A xornalista e escritora con raíces galegas é unha firme defensora dos dereitos humanos e activista do movemento feminista. Foi detida após publicar un libro que recollía testemuñas de sobreviventes dunha rede de prostitución infantil dirixida por políticos e empresarios.

Nunha reportaxe publicada polo 'New York Times', a edición en ingles de 'O último día de Terranova' aparece xunto a outros 99 títulos que abarcan temas como a resistencia feminista ou os imperios da Idade Antiga.

Antón Riveiro Coello, escritor, vén de publicar Días de intemperie (Galaxia), unha obra de relatos onde a guerra é o fío condutor. Riveiro Coello aborda a situación de vulnerabilidade e de conflitos internos nas vítimas así como o impacto que ten nas persoas que len estas historias, xa que son situacións que, como el di, “nos obrigan a repensar capitalmente as nosas vidas”.

Nós Diario achegará este sábado o último dos libros que conmemoran o décimo aniversario da empresa editora deste xornal, Sermos Galiza S. A. O novo volume, titulado Relatan... Nós. Ler devagar, ofrece ás lectoras e lectores a través de 17 historias unha proba concluínte da potencia literaria e creativa do país. 

O ensaio será publicado na Editorial Galaxia ao longo do próximo ano.

Alba Rozas, filóloga, é unha das fundadoras de Boadicea Editora, que se centra na fantasía, a ciencia ficción e o medo a través de obras orixinais e traducións ao galego da produción europea, asiática e anglosaxoa. Rozas aborda o nacemento do proxecto así como a complexidade dos procesos que hai arredor das publicacións, mais que, como di ela, “paga a pena porque é unha aposta pola calidade”.

A escritora, filla de emigrantes galegos, foi un dos nomes máis internacionalizados da literatura brasileira. Tiña 85 anos.

Embora Edicións presenta o manifesto 'Máis alá!' nas localidades natais dos seus autores.

A editorial Kalandraka publicou neste mes de decembro a tradución ao galego de 'Azucre', da autora Bibiana Candia e con ilustracións exclusivas de Xosé Cobas. Azucre é o relato novelado da auténtica e cruenta historia de mil setecentos mozos que viaxaron a Cuba para traballar e remataron vendidos como escravos pola empresa de Urbano Feixoo de Soutomaior, un galego afincado na illa que, aproveitando a situación de necesidade dos galegos emigrados, promoveu unha campaña de colonización branca e substitución da man de obra africana.