literatura

O simposio ten como obxectivo profundar no legado do escritor Martín Sarmiento, "un pioneiro en concibir a Galiza como país".

David Rubín, ilustrador, pon as mans que están detrás das viñetas de 'Cosmic detective', unha banda deseñada guionizada por Jeff Lemire e Matt Kindt. Rubín aborda o proceso de creación e de publicación dunha historia que, como el di, "mestura o xénero negro, policial, e as historias de detectives dos anos corenta, cunha ciencia ficción cósmica bastante tola".

Pablo Nogueira, mestre e escritor, vén de recibir o Premio Agustín Fernández Paz de Narrativa Infantil e Xuvenil pola Igualdade coa obra 'Ringo. Memorias dun coello fedello', que será publicada por Xerais ao resultar gañadora do certame. Nogueira busca fomentar o gusto pola lectura e o valor da diversidade e aborda os intereses e motivacións das crianzas á hora de seguir unha historia xa que, como el di, "o bo que ten a literatura infantil é que todo pode ser posíbel, permite soñar e crear novos mundos".

O 8 de xuño de 2012 saía á rúa o primeiro número de 'Sermos Galiza'. Moitas cousas mudaron desde aquela: o semanario deu paso a un diario, superouse a enésima crise do capitalismo, vivimos unha pandemia, comezou unha guerra en Europa... As formas de relacionarse socialmente e o modo en que o xornalismo enfrontou eses cambios foron acompañados neste tempo desde unha óptica galega. Para celebrar o aniversario, Sermos Galiza S.A. edita cinco libros que debuxan a última década.

A publicación do 'Código de Hammurabi e outras compilacións legais de procedencia babilónica' (Rinoceronte, 2022) traducido da súa lingua orixinal, a acadia, achega textos fundamentais para o desenvolvemento da humanidade. A obra presentouse esta sexta feira en Ribeira. O seu tradutor, Xosé Antón Parada, conversa con 'Nós Diario' do "proceso de vertido" ao galego e da trascendencia desta edición que agora ve a luz.

O interese pola lectura aumenta entre a xete nova. Esa é a percepción dos libreiros que, non obstante, ven o futuro con cautela por mor do desbocado incremento do prezo do papel.

Navaza ingresará na Real Academia Galega como membro de número este sábado nunha sesión extraordinaria pública que terá lugar no salón de actos da institución a partir das 12:30 horas. O filólogo e escritor pronunciará o discurso titulado Nomes de persoa na toponimia de Lalín, centrado na súa terra natal. Daralle resposta Antón Santamarina, coordinador do Seminario de Onomástica.

Odete Costa Semedo, na categoría de Literatura en lingua portuguesa;  José Mª Merino, na de Literatura en lingua castelá;  Josep Mª Miró i Coromina , na de Literatura en lingua catalá; e Leire Bilbao, na de Literatura en euskera, foron as persoas galardoadas. 
 

Até aquí podo contar [A Lingua da Illa de Ons] recolle gravacións realizadas a persoas nacidas entre 1915 e 1959.

Esta é a segunda entrega en banda deseñada do universo Black is Beltza, o proxecto transmedia impulsado por Fermín Muguruza.

A entrada na Academia do filólogo e escritor oficializarase o próximo 5 de novembro coa lectura do discurso 'Nomes de persoa na toponimia de Lalín'.

A Universidade de Vigo presenta esta quinta feira un anuario de estudos literarios.

José Luís Baños de Cos, escritor, afonda na súa obra 'Lume', que lle valeu o V Premio Vidal Bolaño e que aborda diversas violencias sociais como a homofobia ou o machismo. Baños de Cos analiza como achegar o teatro á adolescencia sen deixar a un lado os temas que a afectan, xa que, como el di, "entendo que a algunhas persoas lles pareza duro, mais só estou contando cousas que acontecen na realidade".

O xurado destacou da obra a súa "orixinal estrutura híbrida".

A escritora Marta Orriols (Sabadell, Catalunya, 1975) conversa con 'Nós Diario' sobre 'Aprender a falar coas plantas' (Premio Òmnium á mellor novela do ano en lingua catalá) e que vén de ser publicada en galego por Aira Editorial. A obra conta a historia de Paula, que perde a súa parella nun accidente unhas horas despois de que el lle comunicara que estaba namorado doutra muller. Orriols fala da morte e dos aspectos que a rodean como o dó, a idealización ou a toma de conciencia tras a perda.