literatura

Pronunciará o discurso titulado 'Unha galega filla en Buenos Aires' nunha sesión extraordinaria que se celebrará a partir das 19:30 horas.

O escritor e crítico literario Mario Regueira prosegue o ciclo de análises de 'Nós Diario'.

Anxo Fariña, ilustrador e escritor de literatura infantil, fala da última entrega da súa serie máis coñecida, Os Megatoxos e o reto de internet. Con esta obra, Fariña trae de volta o grupo de amigos formado por personalidades moi dispares para falar de temas como o uso e abuso das redes sociais ou a privacidade, todo isto cargado de “referencias a filmes, libros e videoxogos actuais e tamén antigos como A historia interminábel, Os Goonies ou SuperMario”

É tópico asentado na historia política da Galiza a división do movemento que a definiu como suxeito político en tres fases consecutivas, e das consecuencias ideolóxicas e organizativas a que isto deu lugar: provincialismo, rexionalismo, nacionalismo. O primeiro, baseado nunha reclamación da Galiza como provincia, como unidade, face á división tetraprovincial decretada polo goberno liberal español (1833); o segundo, como primeira expresión de auto-organización política, coa obra de Murguía e a de Brañas como referentes fundamentais; o terceiro, xa no século XX, coa creación das Irmandades da Fala, a desestima do “regionalismo sano y bien entendido” (Antón Vilar Ponte) e a utilización clara e desacomplexada do termo nacionalismo e da súa xustificación e necesidade. 

Xabier Cid é un xestor de proxectos dixitais que tivo diversos empregos, entre eles, o de repartidor de comida a domicilio en Glasgow (Escocia), unha experiencia que agora relata en 10.000 millas de andar na bici. Cid fala das condicións do traballo e da literatura nun contexto medioambiental no que, como el di, "estamos chegando aos límites de crecemento e das nosas posibilidades de mobilidade e de alimento".

O escritor Xavier Queipo vén de regresar a Vigo e de publicar dous libros, Final feliz (Xerais) e Algoritmos (Galaxia).

O final do verán veu acompañado de novas series televisivas ambientadas nas dúas sagas máis relevantes diso que se deu en chamar fantasía épica.

Elvira Ribeiro, escritora, poeta e tradutora, está a presentar a súa obra Lagarta, Lagarta! que publicou o pasado mes a editorial Galaxia. Ribeiro sinala que se trata dunha historia moi orixinal xa que se pode ler do dereito e do revés; unha estrutura narrativa atractiva e sorprendente para as crianzas. Ademais a peza tamén inclúe "outros niveis cun certo punto crítico e de denuncia", segundo indica a autora. Ribeiro tamén reflexiona sobre a situación da literatura infantil e reivindica a necesidade de promocionar a lingua galega.

Days of Poetry and Wine, un dos festivais de poesía de máis prestixio en centroeuropa, celébrase en Eslovenia. En 2017 iniciou o proxecto Carta Aberta a Europa, unha carta que se dirixe a Europa e ao mundo coa vontade de levar a linguaxe da arte e da poesía ao discurso público. O festival selecciona cada ano un poeta, a quen lle dá a oportunidade de abordar os temas que considera máis apremantes. A carta envíase aos membros do Parlamento Europeo, do Consello de Europa e da Comisión Europea e publícase en medios de comunicación de reputación internacional. Chus Pato foi a poeta escollida este ano para redactar a carta e viaxará a Ljubliana para lela no festival.

Rosa Estévez Gantes acaba de publicar 'Soños á beiramar', un conto con ilustracións de Rafa Antón e editado por Kalandraka. A historia ten a ver coa saudade de vivir lonxe do país, da amizade e, como explica a propia autora, "da capacidade que teñen as crianzas de seren felices a pesar das súas circunstancias vitais". Con este conto, acompañado das ilustracións de Antón, que ofrecen gran luminosidade e plástica ao relato, Estévez busca achegar luz e esperanza para curar a morriña.

Galaxia vén de reeditar A Cidade dos Césares, a novela de Víctor Freixanes que relatou a epopea das familias galegas que foron poboar a Patagonia no século XVIII. Historia, mito e literatura únense para desvelar un capítulo pouco coñecido do pasado e para crear unha das grandes novelas históricas da literatura galega.

Emma Couceiro dará a coñecer algúns dos seus novos poemas.

A perda. A ausencia. O absoluto desamparo. A dor abisal da separación dunha nena da súa nai deu orixe a E o sol era Ela, o poemario co que Medos Romero gañou o XIX Premio de Poesía Afundación. Un libro no que regresa ao íntimo tras unha incursión maior da súa poética en temas como a violencia de xénero, o espolio da clase obreira ou a destrución da natureza, alicerce, segundo a autora, da súa creación, en estreita conexión coa súa vivencia do rural.

O papel singular das persoas vinculadas á edición é do máis relevante, especialmente polo de ameaza e banalización que ten hoxe o seu traballo.

Adrián Noia, estudante de Filoloxía na USC e escritor novel, publicou no mes de xullo a súa novela 'O país dos raposos', que recibiu o segundo galardón nos Premios Xuventude Crea 2021. Noia explica que se trata dunha novela distópica na que se abordan temas morais e de actualidade. Ademais, o autor tamén se refire ao seu inicio no mundo da literatura e opina sobre a relevancia dos certames literarios.

É difícil rastrear en que momento a estacionalidade do verán foi asociada ao consumo de libros, aínda que seguro que foi unha ligazón preexistente que adoptou novas formas ao longo do século XIX.