María Pilar García Negro

O semanario, que atoparás mañá nos quiosques e outros puntos de venda habitual acompañado do 'Nós Diario', tamén analiza a polémica derivada da moratoria á plantación de eucaliptos e fala das citas teatrais deste verán. Non o deixes quedar atrás!

Aínda que non existise a súa obra científica, só a creación de Carvalho Calero como poeta, narrador, dramaturgo e ensaísta daría para celebralo como merece, non dándoo nunca por clausurado. Así pensa María Pilar García Negro, autora de Rectificar a historia: Escritos sobre Ricardo Carvalho Calero (Laiovento). Nesta entrevista, a profesora, escritora e política galega analiza a traxectoria do ferrolán e os motivos do afastamento do que foi obxecto, respondendo algunhas das críticas verquidas sobre el e conectando o seu legado co devir do galego nos últimos 40 anos.

As expertas en sociolingüística María Pilar García Negro e Henrique Monteagudo debullan para 'Nós Diario' as consecuencias no sistema educativo da norma impulsada por Núñez Feixoo en 2010.

'Rectificar a historia' está editado por Laiovento

'Cantares gallegos' (1863) é a obra fundacional da literatura galega contemporánea. Non nace do nada. Está precedida dunha lenta recuperación da lingua galega na escrita, que comeza, no século XIX, por unha literatura utilitaria que recolle temas do debate político da altura, e mais por publicación de poesía, en xornais e revistas. Francisco Añón, Alberto Camino e, sobre todo, Xoán Manuel Pintos son nomes relevantes deste afán rehabilitador. Mais é Rosalía de Castro a que consolida de vez estes meritorios precedentes e a que garante a consolidación dun movemento iniciático que, sen ela, podería apagarse ou esmorecer. Dótao dunha obra maxistral que é, ademais, un manifesto en defensa do povo galego.

A Federación Galiza Cultura promove unha conferencia de María Pilar García Negro e Manuel Castelao Mexuto para homenaxear ao escritor Ricardo Carvalho Calero, ao que consideran que non se lle fixo xustiza por non prolongar un ano as Letras Galegas que se lle dedicaron.