Mos

Samuel Merino, 'Pompa e Boato' (Mos, 1982), pon a súa voz, xunto con Silvia Penas, no espectáculo poético 'Man a man', presentado na Feira do libro de Vigo e no que ambos recollen as súas creacións tanto individuais como conxuntas. Este 'Man a man' estará mañá nos Versos na Barraca en Lugo e ademais Merino presentará o domingo o seu último poemario, Claustro Corda comensal (Galaxia), na Feira do libro de Ponteareas.

O alto tribunal desestima o recurso dos comuneiros de Tameiga e da veciñanza de Petelos e blinda o proxecto de forma case definitiva.

Ecoloxistas en Acción entende que hai indicios claros por parte do Celta de delito contra o ambiente e a saúde pública.

O organismo dixo descoñecer esta vertedura e afirmou que carece de autorización.

Segundo denunciou a organización, esta zona de vertedura está "a poucos metros" de varios pozos de extracción das traídas de augas veciñais de Mos.

A escuadra celeste presenta á sociedade na Madroa a súa nova sección.

A entidade presentará o 9 de maio o seu proxecto deportivo sumando nel á Unión Deportiva Mos.

"O refraneiro galego é sabio: 'Fai ou que o crego dixer, e non o que el fixer'. Non fagas como a senadora Arévalo. Se bebes, non conduzas", replicou a agrupación nacionalista de Mos.

Hai 23 anos un grupo de sete criadores de Galiña de Mos comezaron a recuperación desta raza autóctona. Hoxe son 172 as criadoras e os criadores de alta no Rexistro xeral de explotacións gandeiras (REGA) como avicultores artesáns. O censo achégase aos 22.000 animais. Avimós abandeira a cría, a comercialización e a supervivencia desta raza. A carne e os ovos destes exemplares son moi valorados tanto na Galiza coma no Estado, fundamentalmente pola hostalaría.

Por resolución do secretario xeral para o Deporte, Jose Ramón Lete Lasa, a organización non puido acceder ao informe da Confederación Hidrográfica Miño-Sil (CHMS) respecto á declaración de Proxecto de Interese Económico (PIA) á cidade deportiva que promove o Celta en Mos.

O movemento 'Salvamontes', que defende o patrimonio natural con actividades e divulgación, arrinca cun vídeo de animación sobre a perda de mananciais de auga e o dano ao ecosistema que causaría o macroproxecto do Celta GS360.

Ecoloxistas en Acción celebra que o informe "preceptivo e vinculante" da Confederación hidrográfica Miño-Sil confirme a insuficiencia hídrica e sexa desfavorábel ao desenvolvemento do proxecto GS-360 nos montes comunais de Mos.

Os membros do Grupo de Emerxencias Supramunicipal (GES) de Mos rescataron á persoa, que foi atendida polo persoal do Servizo de Urxencias Sanitarias da Galiza-061. Porén, malia os intentos, nada puideron facer por salvarlle a vida.

Ecoloxistas en Acción vén de denunciar ante o TSXG a totalidade do Consello da Xunta por "prevaricación administrativa" ao declarar de "interese autonómico" o 'macroproxecto' do Real Club Celta nos montes de Tameiga, en Mos.

Ecoloxistas en Acción presentou denuncia na sala do Tribunal Superior de Xustiza da Galiza (TSXG) ao considerar que o Consello da Xunta cometeu un delito de prevaricación ao declarar de interese autonómico o proxecto GS360 do presidente do Celta de Vigo, Carlos Mouriño.

Un accidente de tráfico cun camión implicado, e no cal non se rexistraron feridos, provocou retencións na autovía A-55 á altura de Mos (comarca de Vigo) desde media tarde desta segunda feira. Segundo informaron fontes do 112 Galixa, o sinistro tivo lugar pasadas as 17.30 horas da tarde, e foi un particular o que chamou a Emerxencias para alertar de que un camión saíuse da vía e encaixouse contra a mediana da autovía. O camión, que transportaba bebidas, ficou atravesado nun dos carrís, pero non houbo que lamentar feridos. De feito, o 112 foi informado de que o seu condutor saíra do vehículo polos seus propios medios, ileso.

A Comunidade de Montes de Tameiga, acompañada de representantes de Ecoloxistas en Acción, a plataforma A Auga é Vida ou as agrupacións locais de PSOE e BNG, rexistra na sede da Xunta da Galiza en Vigo milleiros de alegacións contra a Factoría do Deporte-Galicia Sports360, declarada "proxecto de interese autonómico" polo Goberno de Alfonso Rueda.

A cidade deportiva do Celta está situada no lugar de Tameiga, onde existe unha comunidade de Montes que lembra as obras que alí se realizaron por parte do club son “ilegais”.

Tras producirse o movemento de terra, o 112 Galiza recibiu a chamada de dous particulares. Indicaban que na parroquia de Bembrive (Vigo), concretamente no Camiño das Cerdeiras, os veciños percibiran o tremor.

O proxecto poderá consultarse na web da Consellaría de Presidencia.