Nós Diario

O Entroido galego chamou a atención durante décadas a múltiples especialistas. Malia a cantidade de estudos publicados, a celebración segue a sorprender con novos achados froito de investigacións contemporáneas. O antropólogo Rafael Quintía é un dos estudosos que máis traballou nos últimos anos profesionalmente esta celebración invernal, recuperando testemuñas e achegando novas perspectivas sobre o futuro dos rituais que agora forman parte do percorrido turístico da Galiza.

A compostelá sala Capitol foi o escenario esta quinta feira dun festival de música galega contemporánea, da man de Grande Amore e Ortiga, organizado pola Asociación de Medios en Galego (Amega), da que tamén forma parte Nós Diario, e que serviu como finalización dos actos de celebración do Día dos Medios en Galego, que decorreu a pasada terza feira día 7 de febreiro. O vídeo é da autoría de Seispes.

Entrevistamos ao estudoso Rafael Quintía e analizamos os aspectos máis característicos desta festividade na Galiza.

Esta terza feira, 7 de febreiro, como cada ano desde 2018, a Galiza conmemora o Día dos Medios en Galego, unha data que rende homenaxe á publicación xornalística escrita integramente na lingua propia do país, O tío Marcos d'A Portela, editada por vez primeira por Valentín Lamas Carvajal en 1876, en Ourense. A Asociación de Medios en Galego (Amega), da que fai parte Nós Diario canda outras 140 cabeceiras que empregan a lingua propia do país, celebra esta data con este vídeo que pon en valor o galego no xornalismo.

A directora de 'Nós Diario', María Obelleiro, explica nesta conversa as mudanzas que incorporará o diario en papel e o semanario ao longo do mes de febreiro, coincidindo co terceiro ano da posta en marcha do medio de comunicación.

O presidente do Consello de Administración de Sermos Galiza S.A. analiza a decisión da Xunta de excluír 'Nós Diario' das axudas á prensa diaria.

A Covid-19, o naufraxio do 'Vila de Pitanxo', as Tanxugueiras, a vaga de incendios, a xestión da sanidade pública ou o aniversario de Sermos Galiza, entre as informacións máis seguidas ao longo do pasado ano.

Nós Diario é un diario editado na Galiza e por ese motivo debería ter dereito, ao igual que acontece con outros medios, a poder recibir as axudas que a Xunta habilita anualmente para prensa en papel. Este é o sentir que transmiten xornalistas e académicos consultados a raíz do novo veto da Xunta ao único xornal en papel en galego.

O DOG recolleu esta sexta feira a resolución da convocatoria de axudas a xornais que anualmente ofrece a Xunta, unha liña de subvencións da que, máis unha vez, Nós Diario foi excluído alegando o Goberno galego que este xornal non é un "diario" por saír de terza feira a sábado; a pesar de que a OXD, entidade de recoñecida solvencia que audita este xornal, define como diario "aquela publicación diaria impresa en papel que se edita, co mesmo título, formato e características peculiares e universalmente recoñecidas como tales, catro ou máis días por semana".

Nós Diario achegará este sábado o último dos libros que conmemoran o décimo aniversario da empresa editora deste xornal, Sermos Galiza S. A. O novo volume, titulado Relatan... Nós. Ler devagar, ofrece ás lectoras e lectores a través de 17 historias unha proba concluínte da potencia literaria e creativa do país. 

O novo libro acompaña este sábado o xornal e o 'Sermos Galiza'.

Á venda este sábado xunto ao xornal, ao prezo habitual de 3 euros. Tamén se entregará o libro 'Dar que pensar. Entrevistas irrepetíbeis'.