patrimonio

O informe de Icomos sobre a candidatura da Ribeira Sacra a Patrimonio da Humanidade discrepa en case todas as consideracións achegadas na candidatura presentada pola Xunta. Os eólicos ou a falla dun plan de xestión concreto son algunhas das eivas que destacan dentro do proxecto.

Na pasada quinta feira a Xunta daba conta do adiamento da candidatura da Ribeira Sacra a Patrimonio Mundial da Unesco. Fréanse así as espetativas dun amplo territorio, cunha gran produción vinícola e cun importante patrimonio artístico e natural. Nós Diario analiza algunhas das consecuencias que trae esta decisión. Entidades como O Sorriso de Daniel piden á Xunta que asuma as súas responsabilidades.

A Asociación para a Defensa do Patrimonio Cultural Galego (Apatrigal) pronunciouse esta sexta feira en relación á eclosión de proxectos eólicos ao longo da Galiza. Hoxe en día hai 131 planeados. A entidade advirte de que “as consecuencias poden ser similares ou peores á construción dos encoros”.

Sete colectivos da cidade convocan un acto reivindicativo para esta sexta feira, 4 de xuño, na praza Vella. Alí darán a coñecer un manifesto no que exixen ao Concello que rehabilite e poña en valor a casa do intelectual na cidade.

O Castro de Viladonga (Castro de Rei) é un xacemento castrexo e galaico-romano que se comezou a escavar en 1971, que achega abundante información arqueolóxica e histórica e que, co seu Museo de sitio, conforma un enclave patrimonial de notábel importancia cultural, educativa, turística e social. Situado na parroquia de Viladonga, concello de Castro de Rei (GPS: N43 9.648, W7 23.32), aséntase sobre un amplo outeiro a 500 metros de altitude, na cunca inicial do río Miño e preto da Serra de Meira, dominando gran parte da Terra Chá lucense. Coas súas murallas, fosos, croa e antecastros, constitúe un verdadeiro arquetipo formal e monumental de castro, representativo deste tipo de poboados do interior da Galiza.

Vanesa Trevín Pita traballa como arqueóloga profesional desde o ano 2012. Actualmente é a directora das escavacións arqueolóxicas do Castro de Doade, en Lalín, e representa xunto con outros compañeiros a iniciativa empresarial CADO Arqueoloxía desde 2019. A partir de 2016 entra no proxecto Sikait Project, que investiga as minas de esmeralda da zona do Mons Smaragdus, próxima ao porto de Berenike, en Exipto. Este sábado 29 de maio participará nun faladoiro en liña organizado pola Fundación Cidade da Cultura con motivo da exposición 'Faraón, Rei de Exipto'.

Notificaron o achado a Patrimonio da Xunta e piden que o catalogue como BIC.

Mercedes Vázquez Bartomeu dedícase á investigación histórica aplicada a moi diversos aspectos, desde a tradicional reconstrución de feitos até a xenealoxía. En 2004 funda, xunto ás historiadoras María Pilar Rodríguez e Mar Llinares, a empresa "dehistoria". É especialista en proxectos nos que o coñecemento histórico se aplica ao desenvolvemento turístico e social de carácter local.

Instan a Xunta da Galiza que recupere a fortaleza para a súa rehabilitación e posta en valor.

A fotografía ten o poder de convocar e rescatar a memoria. Nos nosos tempos, afogados pola hipertrofia das imaxes, talvez non somos quen de lle outorgar o valor que teñen ás fotografías que serviron de testemuña doutras épocas. E mais seguen aí, servindo de punto de encontro entre a memoria colectiva e o discurso histórico. Mais de nada serve unha imaxe se se mantén afastada da mirada da sociedade. Algo así sucede co Arquivo Pacheco, un dos tesouros máis preciosos que posúe a Galiza, mais que permanece oculto na penumbra duns almacéns.

O patrimonio do presidente galego, Alberto Núñez Feixoo, e dos 11 conselleiros que conforman o seu Goberno supera os 2,4 millóns de euros. Con todo, a débeda que declaran no seu conxunto os membros do Consello da Xunta -fóra das titulares de Política Social, Fabiola García, e Infraestruturas, Ethel Vázquez- alcanza unha contía que se aproxima á metade do valor do seu patrimonio: máis de 1,1 millóns.

O Goberno local pontevedrés e a dirección das Clarisas, en Compostela, acadan un preacordo de venda que inclúe as edificacións conventuais, as zonas verdes e o muro perimetral da propiedade.

Bruno Rúa estudou Filosofía pola rama de Antropoloxía e Metodoloxía Científica. O interese por coñecer o patrimonio material e inmaterial da comarca de Monterrei levouno a percorrer todas as súas aldeas seguindo os pasos de Taboada Chivite. Deixou constancia gráfica de numerosos elementos pouco coñecidos trasladándoos ao grupo de Facebook que xestiona, “Tamagania, o país do Alto Tâmega”, que conta na actualidade con máis de 
5.000 membros. 

Unha reportaxe publicada no portal web de Nós Diario, dando conta da posta á venda dun exemplar do mapa de Fontán por 65.000 euros, pon no foco a necesidade de protexer o patrimonio documental galego. Achegamos a opinión de persoas expertas e investigadoras sobre a situación deste tipo de bens culturais.

O patrimonio pode servir para chamar a atención do alumnado sobre os tesouros que ten na súa contorna. Ana Pedrouzo Fariña, natural de Lalín e estudante de último curso do grao de Educación Primaria na USC, puxo en práctica esta idea na escola de Cea redescubrindo, a partir dun traballo de investigación que fixeron as rapazas e os rapaces de sexto de primario, os sucesos acontecidos en 1909 no mosteiro de Oseira. 

O lugar de Puxedo, na parroquia de San Paio de Araúxo (Lobios) é un exemplo de recuperación patrimonial. Hai dez anos veciñas e veciños iniciaron unha experiencia que a día de hoxe conseguiu restaurar o retablo barroco da súa igrexa, 16 hórreos, eiras e lagares, entre outros elementos do seu patrimonio. Pablo Rodríguez, portavoz do plan veciñal que o fixo posíbel, conta a Nós Diario como tivo lugar a transformación deste recuncho do Parque Natural Baixa Limia-Serra do Xurés.