As 19 persoas denunciadas pola familia Franco despois da ocupación simbólica en 2017 do Pazo de Meirás esixen do Goberno do Estado que mova ficha. “Para os galegos e galegas non é menos importante a recuperación do Val dos Caídos, se non máis, recuperarmos Meirás”, declarou aos medios de comunicación o seu portavoz, Néstor Rego.
“O retroceso do PP en Galiza vai ser histórico”. Ese é o prognóstico político do secretario xeral do PSdeG, Gonzalo Caballero, a dous meses das eleccións ao Congreso e a tras das europeas e as municipais. “A derrota do PP nas eleccións xerais será épica”, asegurou nun acto en Lugo.
Vicente Otero Pérez, Terito, foi un dos máis célebres contrabandistas do Salnés. Buscado na Operación Nécora, baixo o seu mando despuntou a xeración de estraperlistas que máis adiante darían o salto ao tráfico de drogas. Militante de Alianza Popular, morto aos 76 anos en 1995, a sede do PP de Cambados segue aínda ao seu nome.
A portavoz nacional do BNG fixo este sábado, 23 de febreiro, un chamamento a participar “masivamente” na folga feminista convocada o 8M. “As mulleres non imos tolerar que se poña en cuestión ningún dos dereitos que fomos conquistando ao longo dos tempos”, afirmou Ana Pontón nun acto feminista da organización.
Contra a “alianza reaccionaria”, “reactivar a potencia social e electoral do espazo político que emanou do campo sementado no 15M e que tivo a súa primeira tradución política en Galiza con AGE”. Eis a síntese do posicionamento de Anova, que chama a unha “fronte ampla contra o auxe da ultradereita”.
A Xunta atopou no accidente do festival O Marisquiño de Vigo un flanco polo que atacar o Concello de Vigo. A comisión de investigación do Parlamento galego é o escenario. Ao día seguinte de que o alcalde, Abel Caballero, negase toda responsabilidade, un alto cargo da Xunta criticou que o concello “autorizase o festival como se fose unha verbena” e desentedeuse do sucedido.
Compromiso por Galicia vén de propoñer unha “roga de partidos galegos para o 28A”. Fíxoo nun comunicado de prensa en que anuncia, ademais, que se dirixirá especificamente a BNG “e tamén a En Marea” para “abrir unha canle de exploración”.
Estaba Valcarce, o combativo crego das Encrobas, organizador de labregos e traballadores. Estaba Valcarce, o político nacionalista e de esquerda. Estaba Valcarce, orador inflamado. E logo estaba Valcarce o amigo. A esta última vertente dedican 16 artigos outras tantas autoras do libro Moncho Valcarce, un dos inesquecíbeis.
“Nos últimos oito anos, Santiago de Compostela non tivo un proxecto claro e foi á deriva, por iso o BNG preséntase coa vocación de ofrecer un proxecto ilusionante, transformador e cun modelo de cidade para o futuro. Así presentou a portavoz nacional Ana Pontón a candidatura do Bloque para a capital que encabeza Goretti Sanmartín.
A fractura da dereita española comeza a sentirse en Galiza. De momento, timida pero significativamente. O portavoz do PP en Ourense, José Araújo, abandona o barco a catro meses das eleccións. Faino na única cidade gobernada polos populares e sen descartar o paso a Ciudadanos. Non é a única baixa de relevo.
A dirección de En Marea vén de anunciar a apertura de “diálogo” co Goberno de Pedro Sánchez sobre o proxecto de orzamentos do Estado. “Estamos elaborando un documento técnico político sobre a base da Axenda Galega do Cambio”, afirmou Mariló Canedo, responsábel de relacións interinstitucionais da confluencia.
O escritor, autor dunha das obras máis influentes da literatura galega das últimas tres décadas, tramita a súa alta como afiliado do BNG. Así o anunciou na súa conta twitter. Referente intelectual no seu día da Esquerda Galega de Camilo Nogueira, Suso de Toro (Compostela, 1956) xa fixo parte da candidatura do Bloque ao Parlamento europeu en 2014.
A oposición intensifica a ofensiva contra a política sanitaria da Xunta. O secretario xeral do PSdeG, Gonzalo Caballero, reclamou este sábado o cesamento do conselleiro Jesús Vázquez Almuiña, e apuntou cara ao presidente Feixoo como “máximo responsábel da crise da sanidade”.
A homenaxe do BNG a Castelao, celebrada este sábado en Rianxo, serviu á portavoz nacional da organización para abordar a actualidade política e social de Galiza. “Feixoo é un terminator mesmo en ámbitos tan sensíbeis como a sanidade pública”, afirmou Ana Pontón.
A tripla alianza non suma na Galiza. Os dados fornecidos polas diferentes sondaxes coñecidas nas últimas semanas coinciden en sinalar que só as nacións sen estado resisten a enxurrada reaccionaria que abanea o Reino de España. Os vindeiros procesos electorais de 2019 sacaranos de dúbidas.
O movemento da dirección estatal do Partido Popular cara ás teses ultras de Vox teñen efectos en Galiza. Non por acaso, Alberto Núñez Feixoo foi un dos apoios do presidente do partido Pablo Casado, abandeirado do xiro reaccionario. Neste contexto, o BNG preguntou hoxe ao xefe do Executivo galego “se coincide con Vox en que non existe a violencia de xénero”.
A dirección de En Marea, que se organiza no Consello, quedou constituída este sábado. Pero fíxoo sen a participación do sector crítico. É dicir, 14 dos 35 postos do órgano ficaron baleiros. O portavoz Luís Villares esixiu “responsabilidade” e “respecto” ao bando derrotado no tortuoso proceso de eleccións internas.
A candidatura crítica de En Marea, derrotada nas eleccións internas ao Consello das Mareas a pasada fin de semana, non participará este sábado na constitución do órgano de dirección. Tampouco recoñecerá os resultados “mentres non se realice unha auditoría independente dos mesmos”.
