política

O BNG e o PP foron as primeiras formacións en valorar, desde Galiza, a xornada do 28 de abril. Rubén Cela, coordinador electoral dos nacionalistas, considerou "moi positiva" a participación, sete puntos máis elevada que en 2016.

Dez anos de recortes orzamentarios, reorganización neoliberal e precarización laboral estaláronlle ao Goberno de Alberto Núñez Feixoo ao longo do último ano. A sanidade pública pasou a ser unha das áreas sociais máis conflitivas de Galiza e onde o Partido Popular percibiu unha enorme vía de auga política que o levou a recuar en non poucas medias e ante non poucas protestas.
 

O sector pesqueiro é, para o BNG, un exemplo “do talento, empuxe e innovación” de Galiza, “capaz de facer grandes cousas cando nos deixan”. Así o expuxo a súa portavoz nacional, Ana Pontón, nun acto electoral no porto de Celeiro esta cuarta feira.
 

O PP galego posúe moitas opinións distintas a respecto da AP-9. Esta cuarta feira, ao vicepresidente da Xunta tocoulle expresar unha que vai en contra do programa do seu partido e mais das últimas declaracións de Feixoo. Alfonso Rueda criticou, antes dun acto electoral en Moaña, “que se negue a transferencia” da infraestrutura a Galiza.
 

O portavoz de En Marea Luís Villares comprometeu o apoio do seu partido no Congreso á constitución dunha oficina de atención ás vítimas do franquismo. Fíxoo nun acto de campaña no Pazo de Meirás, onde foi acompañado das candidatas ao Congreso e ao Senado Ana Seijas, Mariló Candedo e Xosé Manuel Sardiña.
 

Hai novidades en materia lingüística nos programas dos partidos políticos que optan ao Congreso polas circunscricións galegas. As dereitas, representadas por PP e Ciudadanos, prometen abertamente restrinxir usos e espazos do galego. O campo progresista e nacionalista transita a vía contraria: pide o recoñecemento do plurilingüismo do Estado e mira cara á Lusofonía.
 

O xogo da AP-9 entre os partidos estatais acelérase na proximidade do 28-A. É agora o PSdeG quen asegura que a transferencia da xestión da infraestrutura será “un dos obxectivos fundamentais da vindeira lexislatura”. Así se comprometeu a candidata socialista ao Congreso pola Coruña, Pilar Cancela.
 

A precampaña do BNG está a xirar sobre dous eixes. Un, que Galiza “recupere voz propia no Congreso”. Dous, que os votos á fronte nacionalista servirán para frear a ofensiva das dereitas españolas. Este domingo en Ribadeo, a portavoz nacional Ana Pontón insistiu en ambas as dúas ideas.
 

A convención electoral de En Marea para o 28-A sintetizouse nun compromiso: o partido que dirixe Luís Villares comprométese a apoiar unha “maioría social de progreso”. Ao tempo, presentou un programa electoral con “299 medidas urxentes para Galiza”.
 

A transferencia da xestión da AP-68 ao Goberno vasco vén de desatar unha ofensiva da oposición contra Alberto Núñez Feixoo, ao que afean non negociar co Executivo de Pedro Sánchez un traspaso análogo da AP-9, tema central da precampaña.
 

Unha década demorou Xosé Manuel Beiras (Compostela, 1936) en recompilar en libro as súas crónicas sobre o Foro Social Mundial. Publicadas no extinto xornal Galicia Hoxe, compoñen o núcleo central do seu novo libro, Nuredin o taxista e Amedine o pintor (Laiovento, 2019).
 

"Dasilva" e un punto de mira, nunha pintada en esprai negro nunha parede, é a ameaza que este sábado apareceu na vivenda de Carme Da Silva, tenente de alcalde do Concello de Pontevedra e candidata ao Congreso do BNG pola provincia.
 

Pasan os anos e a situación non se resolve. Os sucesivos orzamentos do Estado consignan partidas, pero non as executan. O BNG volveu este sábado esixir o “saneamento integral da ría do Burgo. Fíxoo a súa eurodeputada Ana Miranda, que a visitou acompañada do seu colega letón Miroslavs Mitrafanovs, da Comisión de Peticións do Parlamento Europeo.
 

A En Marea de Luís Villares xa prepara o seu programa para o 28A. Iniciou os traballos este sábado nunha “sesión colaborativa e aberta” en Vigo. Dela sae unha conclusión primeira: “Somos a única forza política que, co seu programa electoral, será capaz de ofrecer unha solución determinante para a mellora do benestar das galegas e galegos”.
 

Colocar Galiza no centro do debate político é o obxectivo principal do BNG para o mes electoral que vai do 28 de abril ao 26 de maio. Esta sexta feira presentou unha “única campaña” para os triples comicios cuxa primeira fase centrada no regreso ao Congreso desenvolverá co lema Agora Galiza.
 

A precariedade laboral en varias das súas vertentes centrará actvidade de En Marea no pleno parlamentario da semana que vén. O seu portavoz, Luís Villares, preguntará a Feixoo polo “maltrato do persoal sanitario”.
 

O BNG non recibiu “ningunha resposta oficial” á súa proposta de debate televisado entre as forzas políticas que concorren ás eleccións xerais. Explicouno esta segunda feira a portavoz da organización Ana Pontón: “Feixoo era o rei dos debates na oposición. Agora non debe agocharse e ten que dar a cara”.
 

Memoria histórica democrática de Galiza é o texto lexislativo que esta cuarta feira presentou á prensa o deputado do BNG Luís Bará. Resarcimento das vítimas do franquismo, recuperación de bens espoliados pola ditadura e a anulación de xuízos e condenas franquistas son os eixos vertabradores da proposta.
 

O xiro discursivo do PP estatal repercutirá no Parlamento de Galiza. A oposición obrigará Feixoo a responder pola virada recentralizadora que, con radicalismo, está a adoptar Pablo Casado. Lingua, autogoberno e precariedade laboral protagonizarán a sesión de control do vindeiro pleno.