política

Non está sendo a campaña electoral máis cómoda para Feixoo. Apenas un mes despois de que o PP colleitase o seu peor resultado histórico en Galiza, percorre o país alertando contra a división do voto na dereita, defende que o seu é un partido de centro e obvia a súa relación coa ultradereita de Vox. Este domingo, en Ribeira, apuntou ao seu particular inimigo triplo: “Socialistas, nacionalistas e populistas”.
 

“Somos a mellor aposta e por iso pido concentrar no BNG todo o voto de país e todo o voto inconformista”. Así se expresou este domingo nun mitin en Ribeira a portavoz nacional do BNG, Ana Pontón, quen equiparou o apoio electoral á súa organización á querenza das persoas “por gobernos que se interesen pola súa vida, polos espazos públicos de calidade ou por xestionar ben cada euro”.
 

As grandes reivindicacións polos dereitos e a igualdade das opcións de vida e a diversidade sexual adoitan suceder en ámbitos urbanos. Mais, desde hai catro anos, Lalín, capital dunha enorme bisbarra de base gandeira e agrícola, súmase á protesta e convoca dúas xornadas de Orgullo de Lalín.
 

“Feixoo fixo política contra os concellos”. Con esta contundencia expresouse o secretario xeral do PSdeG Gonzalo Caballero, quen engadiu que a Xunta do PP “abandonou o medio rural”. O líder socialista fixo as declaracións en Sarria, onde participou na feira de San Isidro canda a alcadesa Pilar López.
 

A pesca é un dos sectores económicos da Galiza que máis se xoga en Bruxelas. Por iso, en plena campaña para as eleccións do 26 de maio ao Parlamento Europeo, o BNG programou un encontro con axentes do mesmo en Vigo. E alí a portavoz nacional Ana Pontón subliñou que o Bloque é “a única garantía de defensa” coa que contarán.
 

Alexandre Sánchez Vidal, que fora tenente de alcalde de Ourense polo BNG entre 2007 e 2009, morreu este sábado.

O chamado modelo Pontevedra é case de dominio público. Recoñecementos e galardóns á decidida aposta do consistorio polos peóns e o espazo público máis alá do automóbil acumúlanse no concello. Pero a estratexia vai alén da intensa reforma urbana iniciada en 1999. Coidar o pequeno comercio é unha das preocupacións principais do Goberno local.
 

A eurodeputada e candidata de En Marea ao Parlamento europeo, Lidia Senra, urxiu esta segunda feira a Unión Europea a que faga cumprir as súas propias normativas medioambientais. Como escenario para as súas declaracións escolleu a aldea de Arinteiro, afectada polo proxecto de megamina de cobre de Touro-O Pino.
 

Entre os principais obxectivos que o BNG se marcou para estas eleccións municipais atópase o de regresar ao Concello de Vigo. Insistiu esta mañá a súa portavoz nacional, Ana Pontón, quen vaticinou que os nacionalistas volverán ao pleno despois de quedar fóra hai catro anos. “Moitos dos mellores proxectos desta cidade levan a pegada nacionalista”, afirmou.
 

Devolver servizos e privatizados ao dominio público foi un eixo discursivo do heteroxéneo mundo das mareas e confluencias en 2015. Mais o paso da palabra ao acto deixou poucos exemplos. Un deles foi en Santiago de Compostela, onde o Goberno local que encabeza Martiño Noriega remunicipalizou a ORA e o guindastre e agora prometen facer o mesmo coa auga “polo ben común”.
 

Último pleno antes do Día das Letras Galegas e Núñez Feixoo volveu falar de “imposición” para se referir ao galego. Fíxoo en resposta á pregunta do BNG na sesión de control, en que a súa portavoz, Ana Pontón, resumiu dez anos de política lingüística do Partido Popular: “Vostede foi o presidente que máis atacou a lingua propia”.
 

O republicanismo irlandés logra 105 dos 462 representantes municipais a elixir nos seis condados da illa baixo soberanía británica. O unionista DUP é o máis votado (122 representantes) e sube con forza Alliance -centrista e intercomunitaria- (53). A esquerdista People Before Profit atinxe 5 edís, todos por barrios nacionalistas. UKIP fican sen representantes.

Hai más dun século que aparellos mecánicos sucan os ceos de Galiza. A reconstruír esa travesía dedica os seus esforzos Xerardo Rodríguez Arias, autor dun volume de referencia centrado en Compostela e a piques de finalizar outro de ámbito nacional. E, como todo esforzo por coñecer a historia, del tamén se extraen leccións para o presente. Non é a menor o que cualifica de “absurdo total”: a ordenación aeroportuaria de Galiza.
 

Novo cambio de marcha de Alberto Núñez Feixoo. O dirixente que lle emprestou apoio e compromisarios a Pablo Casado cando este recuperou o aznarismo para loitar pola presidencia do PP aparece agora como conspicuo centrista. O mesmo que acompañou en silencio a deriva extremista da campaña das Xerais é agora crítico co “posicionamento político” da organización.
 

A vella garda do PSOE continúa a súa marcaxe ás decisións de Pedro Sánchez. Esta terza feira, na Coruña, Alfonso Guerra advertíao de chegar a acordos co “populismo e o nacionalismo”. O ex vicepresidente de Felipe González compareceu ante a prensa acompañado de Francisco Vázquez, ex alcalde socialista da cidade que se deixou ver en actos electorais de Ciudadanos.
 

Unha proposición non de lei presentada polo BNG derivou no apoio unánime do Parlamento de Galiza á petición de indulto do ex presidente dos percebeiros de Lira (Carnota), Manuel Martínez Lustres, condenado a tres anos de prisión por un incidente cun furtivo.
 

Nin o peor resultado histórico do PP en Galiza fixo recuar o partido de Núñez Feixoo no Parlamento: os seus 38 deputados e deputados, presidente da Xunta incluído, votaron esta segunda feira por manter a valedora do pobo Milagros Otero no seu posto, malia a sentenza do Supremo que a implica en trato de favor á sobriña de Fraga Iribarne.
 

O secretario xeral do PSdeG, Gonzalo Caballero, tardou en comparecer. Fíxoo despois de Pedro Sánchez en Madrid. E cando á fin falou, pasadas as doce e media da noite, afirmou que se abre “un novo tempo político en Galiza, péchase o tempo político do PP”.
 

O BNG quedou ás portas de recuperar a representación no Congreso dos Deputados, pero dobrou os votos obtidos en 2016. Máis de 92.000 sufraxios servíronlle a Ana Pontón, portavoz nacional da organización, para celebrar a “remontada” e asegurar que nas inminentes elección municipais “verase o avance do nacionalismo”.

Menos de 18.000 votos, o 1,1%, son o resultado de En Marea despois de que a facción de Luís Villares rompera con Podemos, Esquerda Unida e Anova. Na noite electoral, escudouse nas dificultades de facer “unha campaña en positivo nun contexto que talvez non era o mellor, debido ás apelacións ao medo e ás barricadas”.