política

A esquerda obtivo unha ampla maioría en Ribadavia o pasado 26 de maio. Catro concelleiros o PSdeG, tres Ribeiro en Común e un o BNG. O PP, encabezado polo até agora deputado no Hórreo César Fernández Gil, cinco. Pois ben: Fernández Gil será alcalde.

O Partido Popular investiu este sábado o nacionalista Xoán Castaño como alcalde de Catoira. Finalizaron así 30 anos de mandato do socialista Alberto García. En Mondariz, a dereita e os socialistas apoiaron o BNG, cuxo candidato, Emilio Barros, será primeiro edil ao desbancar a Alternativa por Mondariz, a forza máis votada.
 

Máis de 400.000 galegas e galegos vivirán en localidades con goberno liderado ou participado polo BNG. Salientouno este sábado, desde Pontevedra, a súa portavoz nacional, Ana Pontón, para quen esa cirusntancia servirá “para traballar por esa outra Galiza posíbel”.
 

Os catro concelleiros do PSOE na corporación municipal de Fene facilitaron este sábado a alcaldía ao candidato do PP, Gumersindo Galego. Fixérono ao votar pola súa propia candidata, Mar Piñeiro, e non polo do BNG, Juventino Trigo.
 

Dez días antes das eleccións municipais, Alberto Núñez Feixoo despachábase contra o candidato de Democracia Ourensana nun xornal local. “Para Ourense sería letal ter Jácome de alcalde”, rezaba o titular do presidente da Xunta. Un mes máis tarde, o Partido Popular entrega a alcaldía da cidade a Gonzalo Pérez Jácome. A contrapartida? Que os Baltar manteñen o control na Deputación de Ourense.
 

O emblemático, histórico Festival de Poesía do Condado vén de emitir un comunicado en que se defende das acusacións do Partido Popular, que rexistrou unha pregunta na Deputación de Pontevedra en que acusa de “apoloxía do independentismo” a un dos encontros poético musicais máis importantes e veteranos de Galiza. “Ser independentista non é delito”, retruca a organización.
 

“Son varias as sentenzas do Tribunal Superior que testemuñan que o Sergas é un explotador”, afirmou no pleno parlamentario desta cuarta feira o deputado socialista Julio Torrado, quen comparou a dirección da sanidade pública galega con empresas como Glovo ou Deliveroo.

O debate dunha proposición de lei do BNG para que o galego se convertese en “lingua vehicular no ensino” derivou nunha emenda á totalidade da política lingüística dos sucesivos gobernos de Núñez Feixoo. O seu partido, o PP, tumbou a iniciativa dos nacionalistas, que partía da reforma da Lei de Normalización Lingüística de 1983.

O vertido de lodos na contorna da illa de Sálvora chega a Europa. Ana Miranda, eurodeputada do BNG, vén de remitir á dirección xeral de Medio Ambiente da Comisión Europea unha comunicación en que denuncia a situación.
 

Como o BNG na mesma mañá desta segunda feira, En Marea dedicou a súa comparecencia de prensa á situación da industria. Denunciou a caída do 14% no índice de produción do sector e amosou a súa preocupación polas electrointensivas, para as que propuxo dez medidas de choque.

A década de gobernos de Feixoo no referido á política industrial é, para o BNG, unha década perdida. Resumiuna esta segunda feira a súa portavoz nacional, Ana Pontón: 22.500 empregos menos, incremento da precariedade e unha caída na produción que, en 2018, foi a maior de todo o Estado.

A esmagadora vitoria electoral de Abel Caballero axiña cobrou as primeiras vítimas. A candidata do PP e ex conselleira da Xunta de Feixoo, Elena Muñoz, dimitiu o pasado sábado. E a dirección provincial dese partido xa propuxo quen se faga cargo da xestora que dirixirá a organización de maneira temporal: a ex alcadesa Corina Porro.

Unha moeda ao aire será, probabelmente, quen decida a configuración final da corporación de Monterroso, na bisbarra da Ulloa, corazón xeográfico de Galiza. As dúas listas máis votadas empataron a 798 votos e tres edís. Se os recursos presentados polas partes na Xunta Electoral de Zona de Chantada non prosperan, un sorteo outorgará o cuarto edil.
 

O portavoz de Democracia Ourensá, Gonzalo Pérez Jácome, propón un pacto de catro forzas para explusar Manuel Baltar da presidencia da Deputación de Ourense. Manifestouno esta terza feira en comparecencia de prensa e no acordo inclúe PSOE, Ciudadanos e BNG.

O aínda alcalde de Ourense, Jesús Vázquez, até este domingo único mandatario urbano do PP, vén de descartar pacto ningún con Democracia Ourensá e asume que será o PSdeG quen goberne a cidade os vindeiros catro anos. A dereita perde así a única das sete urbes en que mandaba.

Junts per Catalunya foi a candidatura máis votada no Principat nas eleccións europeas. A lista encabezada por Carles Puigdemont, exiliado en Bélxica, obtivo 987.149. Mais tamén recolleu apoios no exterior, en concreto 38.262 sufraxios que viron nesa papeleta unha mostra de solidariedade, unha impugnación da deriva represiva do aparello xudicial estatal ou a opción máis achegada ás súas ideas.

O ascenso do BNG, que pasa de dous a cinco edís e medra sete puntos porcentuais, posibilitará que a esquerda manteña a alcadía de Lugo. O Partido Socialista da actual alcaldesa Lara Méndez retrocede lixeiramente en voto pero mantén os oito concelleiros.
 

O retorno de Xosé Sánchez Bugallo á competición electoral en Compostela saldouse cun rotundo triunfo. Co ex alcalde como cartaz, o PSdeG subiu cinco escanos e converteuse ne forza máis votada. Martiño Noriega, actual alcalde, e Compostela Aberta caen á terceira posición coa metade de concelleiros que obtivera en 2015: cinco.