PP

A Alianza Social Galega, que representa máis de 60 colectivos, entidades e organizacións, chama os e as galeg@s a acudiren ás manifestacións do 20 de decembro que se convocan en diferentes partes do país

Marcos Reboredo é un dos catro irmáns de David, o vigués que vén de entrar no centro penitenciario da Lama porque o goberno español non o quixo indultar. Quen o coñece di que está "completamente rehabilitado" e que traballa arreo como axente de saúde, facendo as veces de mediador entre outr@s enferm@s e os centros onde se recuperan da súa adicción. Porén, o ministro de Xustiza preferiu envialo ao cárcere, cumprir sete anos de condena por intercambiar dúas papelinas con 400mg de heroína

O colectivo que preside Gloria Lago quería escoller a lingua nas aulas tamén na primaria, nos libros de texto e nas comunicacións oficiais da consellaría de Educación. En base ao sinalado nas outras cinco sentenzas, o TSXG recalca que corresponde á administración regular o idioma a usar nos centros de ensino non en función das preferencias de proxenitores ou alumnado, senón atendendo a criterios pedagóxicos

Os tres reitores galegos tamén fixeron parte da lectura simultánea dun manifesto nos 50 campus públicos do estado en que convidan ao ministro de Educación e ao presidente do executivo español a entenderen a educación e a I+D+i "como un investimento e non como un gasto"

Alberto Núñez Feijóo anunciou esta terza feira que o congreso non só procura facer balance após as eleccións, senón que terá por obxecto trazar as novas liñas de traballo e conformar novas equipas no que asegura é "a gran forza política de Galicia". Neste sentido, Alfonso Rueda, actual secretario xeral da formación e vice-presidente da Xunta de Galiza podería converterse no sucesor de Núñez Feijóo.

Unha rebaixa do 45% ao 35% da autonomía dos territorios para achegaren contidos ao currículo educativo; aulas impartidas integramente en español en centros privados que pagarán as consellarías de Educación; liberdade para que cada centro decida cantas horas lle dedica ao galego; a posibilidade de superar a ESO sen coñecer os idiomas cooficiais; e unha alternativa á relixión rescatada da reforma feita por Aznar en 2002 e que satisfai unha demanda histórica da Igrexa. Debullamos o borrador da contrarreforma educativa de Wert que sairá adiante ''con consenso ou sen el''

O presidente da Academia Galega, Xosé Luís Méndez Ferrín tarda dous meses en facerlle fronte ao PP polo recorte dun 70% nos orzamentos do Estado e aproveita unha xuntanza coa vicevoceira de AGE, formación que el mesmo apoiou, para esixir á Xunta que compense a rebaixa que pon “en perigo” á institución que preside.

A decisión do goberno español de non actualizar as pensións provocará aos e ás pensionistas unha diminución considerábel nos seus ingresos, de entre 140 e 400 euros. Máis nun país, Galiza,  que con 701 euros de pensión media, mantense como furgón de cola do Estado español. En Galiza hai 736.000 pensionistas. 

O sector leiteiro atópase, máis unha vez, na agonía. Cómpre un ente que faga de árbitro e que garanta que os prezos que a industria paga por cada litro de leite cubran, polo menos, os custos de produción. A Xunta vén de dicir que fará ela as veces de mediadora. Xa o dixo noutras ocasións, e faltou á verdade. Tomámoslle o pulso a este novo preacordo e contámosche por que se tira co leite

O Tribunal superior de xustiza de Galiza estima en parte o recurso presentado pola Real Academia Galega contra o decreto do plurilingüismo e resolve que a consulta vinculante ás familias e a potestade do alumnado para se expresar nas aulas na lingua da súa preferencia son disposicións ''contrarias ao dereito''

O candidato 'popular' foi investido presidente por segunda vez esta quinta feira. A sesión parlamentar que aprobou a súa renovación como líder do executivo reflectiu que Núñez Feijóo só contará co seu grupo parlamentar, no entanto a maioría absoluta da que goza permitiulle, máis unha vez, ocupar a presidencia da Xunta de Galiza. Porén, o debate de investidura deu boa conta do ton que a oposición manterá ao longo desta lexislatura.

A Xunta de Feijóo vén de lle dar máis unha patada ao agro ao baleirar de actividade os centros comarcais vinculados ao desenvolvemento rural. No seu discurso de investidura o presidente do goberno galego fala dun pacto co BNG para a disolución destes centros, cando a consellaría do Medio Rural estaba en mans de Alfredo Suárez Canal. Porén, confunde o mandatario centros con fundacións, e omite que o persoal da xerencia destas últimas, designado durante a administración Fraga, foi recolocado no ente público polo PP

Mariñeir@s galeg@s que faenaban en Mauritania concentráronse na Coruña aproveitando unha xuntanza da conselleira de Mar, o ministro de Pesca e a comisaria europea de Pesca. Ningunha das tres persoas quixo ouvir as súas demandas, a pesar de levar xa catro meses coa frota amarrada

O Superior galego comunica a súa resolución a A Mesa, Queremos Galego e CIG Ensino. Para alén da consulta ás familias, responsábel "do varrido do noso idioma no 96% dos centros de ensino", desaparece tamén máis un artigo que foi "chave nos ataques do PP contra a nosa lingua": que o uso do galego non era obrigatorio en materia ningunha, agás Lingua e Literatura galega