San Simón

Centos de persoas participaron este domingo, cando se cumpren 85 anos do golpe de Estado, no acto organizado pola Iniciativa Galega pola Memoria nun espazo que durante a ditadura franquista funcionou como campo de concentración e de represión.

Unha homenaxe a vítimas do franquismo que terá lugar este domingo en San Simón, na ría de Vigo, demandará a súa declaración como Illa da Memoria.

Tras a edición de "resistencia" do ano pasado, o Festival Sinsal volve á illa de San Simón entre o 23 e o 25 de xullo. O encontro regresa á súa esencia: tres días de convivencia nun espazo natural e de memoria histórica que propón proxectos contemporáneos atípicos para gozar dunha experiencia que vai máis alá 
da música. As entradas para os eventos poranse á venda nos próximos días

Como cada edición, lerase un manifesto -baixo o lema "Fascismo, nunca máis!” e haberá unha lembranza especial para os desaparecidos Chato Galante -torturado polo tamén recentemente falecido Billy 'El Niño'-, Antonio Nores e Pepe Francés, integrantes da asociación que faleceron nos últimos meses.

A plataforma en defensa dos montes do Morrazo convoca este domingo un roteiro para dar a coñecer os valores ambientais, culturais e etnográficos do Monte do Cabalo e a contorna da enseada da Larache, un espazo natural costeiro ubicado na parroquia de Santa Cristina de Cobres, en Vilaboa, que completa a súa paisaxe con San Simón e a ría de fondo.
 

As precipitacións, nubes e altas temperaturas mínimas que Meteogalicia prevé para este 31 de outubro son, segundo a organizadora, o único motivo da cancelación da festa de Samaín que a naviera Nabia organizara e publicitara para esa noite na illa de San Simón co aval da Xunta, unha celebración que levantou desde o seu anuncio unha treboada de indignación nas asociacións da memoria. 

A Administración sostén que a actividade é de carácter “familiar, educativo e formativo, e que está deseñada especificamente para poñer en valor o legado histórico e cultural da illa”, alporizando as asociacións da Memoria, que a acusan de “falta de criterio” e de “frivolizar” cos mortos da represión.

“Indignación” ante a celebración na véspera de Defuntos dunha algueirada organizada na illa de San Simón pola empresa Nabia, coa conivencia da Xunta de Galiza, e que as asociacións da Memoria consideran “unha falta de respecto nun lugar onde tiveron lugar torturas, cativerios e asasinatos”.

Centos de persoas asistiron na mañá do domingo ao encontro nacional que a Iniciativa Galega pola Memoria organiza cada ano na illa de San Simón. Un acto non só para render homenaxe ás vítimas e ás súas familias, senón para esixir a fin da impunidade.

Até cincocentas persoas xa confirmaron a súa participación na homenaxe nacional ás vítimas do fascismo que cada ano organiza a Iniciativa Galega pola Memoria na Illa de San Simón, antigo campo de concentración franquista, e que se realizará o vindeiro domingo 21 de xullo. Nesta edición denunciarase a “xustiza invertida” que ampara o legado franquista e reprime a quen denuncia os crimes e o espolio da familia Franco.

A décimo segunda homenaxe nacional ás vítimas do fascismo, que se desenvolveu este domingo na emblemática illa de San Simón -campo de concentración franquista-, concluíu nunha reivindicación: as escolas deben explicar ao alumnado o 36, a Guerra Civil, a brutal represión fascista e a posterior ditadura.
 

Por décimo segundo ano consecutivo, a Iniciativa Galega pola Memoria honrará as vítimas do fascismo nunha homenaxe nacional. E será na emblemática illa de San Simón, na ría de Vigo, o vindeiro domingo 22 de xullo. Asistirán catrocentas persoas, organizadas nas asociación que compoñen a plataforma.
 

A illa de San Simón acollerá o vindeiro domingo, 16 de xullo, a homenaxe nacional anual ás vítimas do franquismo que como cada ano organiza  a Iniciativa Galega pola Memoria.

É o queixo rei da comarca da Terra Chá e esta fin de semana é o protagonista indiscutíbel de Vilalba. O queixo San Simón da Costa atraerá milleiros de persoas o 1 e 2 de abril á XXIII edición da dunha das festas máis populares do país.

A Illa de San Simón acolleu no mediodía do domingo un acto reivindicativo para recuperar a memoria das persoas asasinadas polo franquismo. A organización demandou que San Simón sexa recoñecida como a Illa da Memoria.

Máis un ano, a Iniciativa Galega pola Memoria organiza na Illa de San Simón a homenaxe nacional ás vítimas do franquismo. Será este domingo, 17 de xullo, e nesta ocasión contará con especial relevancia, pois a segunda feira fanse 80 anos do golpe de Estado e dos asasinatos.