Publicamos as impresións que o xornalista anti-imperialista Great Palast tirou dunha entrevista co presidente do país bolivariano, un texto que foi traducido para o galego pola tamén xornalista María Sabarís
O xornal conservador español atribúe ao chavismo "un ronsel lamentábel de morte e destrución" que ilustra coa imaxe máis coñecida da violencia do exército exipcio: varios militares arrastran polo chan unha muller seminúa. A denuncia pública da manipulación obrigou a retirar a noticia
O Consello Nacional Electoral de Venezuela acordou ampliar a auditoría de verificación ao 46% das caixas de resgardo (por lei, o día dos comicios fíxose no 54%) para deixar claro que non hai irregularidade posíbel e para “aillar os sectores violentos que procuran lesionar a democracia”
O ministro de Exteriores español, que apoiara a exixencia de Capriles dunha auditoría dos votos, di que as súas palabras foron malinterpretadas. Margallo recoñece agora a vitoria de Maduro, embora anuncia que non pedirá desculpas a Venezuela por unhas declaracións que claramente supuñan unha inxerencia nos asuntos internos dun país soberano.
Diversos medios de comunicación falan de varios militantes chavistas asasinados por simpatizantes de Capriles nestas horas. Estase a crear un escenario de inestabilidade e caos, propicio para golpes de estado, advirten desde o goberno após as mobilizacións alentadas desde os grupos da dereita.
Máxima tensión en Venezuela: o candidato da oposición pide aos seus siareiros que se concentren ante os organismos electorais, que fagan unha 'cacerolada', aliás de afirmar que hai militares presos “por defender a constitución”. O Exército chamou a respeitar a vontade democrática expresada polo pobo. O Parlamento de Venezuela pedirá investigación penal a Capriles para determinar a responsabilidade nos actos de violencia destas horas
O candidato da oposición afirma que os resultados “non son lexítimos” e exixe un novo reconto malia que os observadores internacionais avalan todo o proceso electoral. Maduro, que salva o legado de Chávez pola mínima, parabeniza o pobo pola participación, un 78%, e responde a Capriles que "non temos medo" nin "nada que ocultar". É de agardar que a oposición continúe coas súas estratexias de desestabilización de Venezuela. O exército xa anunciou que fará respeitar os resultados
Perto de 20 millóns de venezolan@s elixen hoxe moito máis que un presidente: Maduro ou Capriles. O candidato socialista chamou a un apoio masivo nas urnas para seguir a construír a revolución bolivariana. O aspirante da oposición di que os comicios son a ocasión para cambiar a "desfeita"
Dous modelos antagónicos de país, o que se personifica nas candidaturas de Maduro e Capriles, compiten nesta cita. Perto de 20 millóns de venezolan@s decidirán o 14 de abril. Maduro chama a continuar o legado de Chávez de “soberanía, xustiza e igualdade”. Capriles apela a derrotar o que entende que é ditadura bolivariana. O ex-presidente brasileiro, Lula, mostrou o seu apoio a Maduro cun vídeo que podes ver no interior.
