violencia machista

Sandra Piñeiro Vilas é a titular do xulgado de Instrución número 2 de Lugo. Na súa sala, entre outros, axuíza casos de violencia sobre a muller; mais tamén comparte tempo e información con alumnado de secundaria no marco do programa 'Educar en Xustiza', unha iniciativa que abre á mocidade un diálogo sobre igualdade e xénero libre de 'bulos'.

Os familiares e parellas están detrás de 56% dos asasinatos machistas en 2021, revelou un estudo da ONU publicado na véspera do 25 de novembro, cando comeza unha campaña para impulsar o activismo en contra da violencia machista.

A violencia de xénero continúa na Galiza en máximos, con máis de 4.500 denuncias no último ano. Malia o alcance do problema, a Administración galega reduce a contía das partidas dirixidas a activar políticas contra a violencia machista e protexer as vítimas. A cantidade recollida nos orzamentos de 2023 fica moi lonxe das demandas do movemento feminista e dos colectivos de mulleres.

O ámbito laboral segue a ser un lugar pouco seguro para moitas mulleres. Sindicatos como a CIG e CCOO denuncian que os sectores con máis casos de acosos están na saúde, comercio, hostalaría e servizos.

Os órganos xudiciais da Galiza rexistraron o ano pasado 6.219 mulleres vítimas da violencia de xénero, un 2,4% máis con respecto ao ano anterior. No que vai de 2022, os informes trimestrais do Observatorio contra a Violencia Doméstica e de Xénero do Consello Xeral do Poder Xudicial (CXPX) apuntan un novo incremento que tamén afecta ás denuncias e ás sentencias condenatorias.

As redes estoupan: "A culpa é delas por ir provocando, claro que si. Cantos centímetros de pel propoñedes que leven á vista logo?".

'Se o presente é loita, o futuro será libre'. Con este lema a Marcha Mundial das Mulleres convoca xunto a Plataforma Feminista Galega unha trintena de mobilizacións na Galiza con motivo do 25-N e o obxectivo de condenar a violencia sobre as mulleres: psicolóxica, sexual, xudicial, institucional e na saúde.

A sentenza do alto tribunal desestimou o recurso de casación interposto polo acusado.

O decreto será de "obrigado cumprimento" para todos os fiscais.

O sindicato anima a denunciar calquera situación de acoso

O ano pasado rexistráronse 6.259 denuncias por violencia de xénero.

As rebaixas de condenas no marco da lei do "só si é si" a agresores sexuais condenados volve traer a primeira plana a Lei Orgánica de Garantía Integral da Liberdade Sexual —que é como se chama a lei do "só si é si"—, aprobada a finais de agosto e en vigor desde setembro. As xuristas consultadas chaman a "non culpabilizar" a nova norma e apuntan a que a mesma é un avance e precisa dunha interpretación "axeitada".

Unidas Podemos denuncia a interpretación dos xuíces na aplicación da lei, e o PSOE abre a porta a modificar o texto da Lei 10/2022 de garantía integral da liberdade sexual.

As universidades galegas demandan colaboración directa coa Xunta para loitar contra o acoso nos seus centros.

A doutora en Medicina e feminista Lola Ferreiro Díaz prosegue co ciclo de análises de Nós Diario.

As mulleres vítimas de trata e explotación sexual terán acceso a axudas e medidas específicas que xa se contemplan para vítimas de violencia machista.

Habitar Internet, o corpo e o mundo segue a ser un acto de valentía para as mulleres. Para tratar de palialo, a Lei Orgánica 10/2022, de 6 de setembro, de garantía integral da liberdade sexual, que entrou en vigor o pasado 7 de outubro, permitirá ampliar o campo de acción contra os delitos na esfera dixital. É preciso realizar unha revisión constante e concienzuda das ameazas de ser unha muller nas redes para entender todas as dimensións da violencia machista en Internet. Facemos un repaso do que suporá a aplicación desta lei na Galiza e dos seus precedentes nos últimos anos.

Entre abril e xuño de 2022 ditáronse o triplo de suspensións do réxime de visitas a menores.