Os socialistas lograrían o triunfo, segundo a enquisa 'flash' do CIS, con 32,2% dos sufraxios, 1,4 puntos por diante do PP. Sumar, con 14,9%, ficaría na terceira posición, e Vox caería á cuarta con 11,8%. O BNG medraría até case duplicar os apoios de 2019.
Mariano Raxoi e Alfonso Rueda arrouparon o candidato do PP á Presidencia do Goberno español, Alberto Núñez Feixoo, nun acto central da campaña que decorreu na praza de touros de Pontevedra, lugar que o ex presidente da Xunta considera "talismán". "Ou Feixoo e o PP, ou o Goberno Frankenstein", insistiu Raxoi.
O bico de dúas mulleres, a memoria da represión falanxista, as reivindicacións feministas ou o uso da lingua asturiana semellan motivos suficientes para a ultradereita vetar eventos culturais nos municipios españois nos que vén de acceder ao goberno da man do PP.
A enquisa estima 31,4% dos votos para o PP e 31,2% para o PSOE, mentres Sumar sería terceiro superando en seis puntos a Vox e o BNG medraría até un 1% que lle daría entre 2 e 3 escanos. Pedro Sánchez e Yolanda Díaz quedarían próximos á maioría absoluta.
O líder do PP e candidato á Presidencia do Goberno español vén de recoñecer abertamente, por vez primeira, que tenderá a man ao ultraespañolismo para chegar á Moncloa: "Se lle teño que pedir a Vox o 'si', o lóxico é que forme parte do meu Goberno". Estas declaracións supoñen unha importante viraxe após defender previamente, en reiteradas ocasións, que consideraba un "erro" gobernar con Vox, a quen cualificou de "populista", de "predicador" e de "non ser bo para os galegos".