Representantes de candidaturas ás eleccións galegas debaten sobre Palestina

Representantes de candidaturas ás eleccións galegas debatiron este sábado sobre a situación actual en Palestina, nun encontro promovido por BDS Galicia (Boicot, Desinvestimentos e Sancións a Israel), que forma parte dun movemento internacional co mesmo nome. Foi un debate na Facultade de Xeografía e Historia da USC e con presenza da número tres da candidatura socialista pola circunscrición da Coruña, Silvia Longueira. Tamén estiveron Duarte Correa, polo BNG; Javier García, por Podemos; Manuel Moure, por Sumar, e Rafael Manuel Fernández, de Por un mundo máis xusto. O PP tamén foi convidado, pero non enviou representación. Abordáronse cuestións como a libre autodeterminación do pobo palestino, o dereito de retorno ou o apoio ao movemento BDS.