Naila María González, Premio Acouga-Casa dos Poetas: "Sempre emprego a poesía como un medio para baleirarme e para expresar todo o que sinto"

Naila María González Rodríguez (Céltigos, Sarria, 2003) vén de ser recoñecida co primeiro premio do concurso de poesía Acouga-Casa dos Poetas, coordinado pola Fundación Curros Enríquez, pola súa obra A anarquía das pálpebras. Esta é a primeira edición deste certame e súmase a outros galardóns obtidos pola autora, como o Francisco Añón de Poesía 2023 ou o certame de relato breve Entre parágrafos nevados.