Marcelo Lusardi: "Hai moi poucos skaters con discapacidade no mundo, aínda que cada vez somos máis"

Marcelo Lusardi (Bos Aires, 1997), coñecido nas redes sociais como @the_blind_rider, foi un dos impulsores da primeira competición de skate adaptado do Marisquiño, celebrada na edición deste ano neste festival que cada verán decorre en Vigo. Nel, Lusardi tivo a oportunidade de participar xunto con outras catro persoas cegas así como con cinco persoas con discapacidade física.