Carles Puigdemont mandou un chío de twitter esta tarde na que partilla a ligazón onde se publica a lista de colexios electorais onde se poderá votar no referendo do 1-O. Para saber onde ten que ir votar cada quen, tense que poñer DNI, data de nacemento e código postal do lugar de residencia. Introducidos estes datos, a páxina proporciona o nome e enderezo do centro de votación, así como o distrito, sección e mesa.
On es podrà votar el proper dia 1 d'octubre? En aquesta web trobaràs el lloc on et correspon: https://t.co/NYSkMLFjhv
— Carles Puigdemont (@KRLS) 21 setembro 2017
A noticia xerou unha gran resposta, tanto en redes sociais como no que atinxe a visitas e acceso a páxina, o que provoca que esta tarde en cargar por momentos cando se quere acceder a ela.
Entre os locais de votación hai colexios que son os puntos habituais de votación nas xornadas electorais, mais tamén outros novos. En Barcelona, na listaxe figuran tamén equipamentos municipais. O Govern fai públicos os colexios electorais no día que o establece a lei de referendo, 21 de setembro, e a xornada despois do operativo do Estado contra o 1-O que se saldou con 15 detencións.
