![[Imaxe: Wikipedia] Mário Soares, nunha imaxe de 2014](/asset/thumbnail,1280,720,center,center/media/nosdiario/images/2016/12/24/2016122417381882767.jpg)
Mário Soares atópase ingresado na Unidade de Coidados Intensivos da Cruz Vermella, en Lisboa, após sufrir un episodio agudo na mañá do sábado, cando o seu estado de saúde se agravou.
Medios lusos informan de que o ex presidente da República sofre unha situación crítica. “O estado de saúde é crítico e o prognóstico é reservado”, sinalou en declaracións aos medios na tarde do sábado o portavoz Jose Barata.
O actual presidente, Marcelo Rebelo de Sousa, acudiu ao hospital para lle amosar o seu apoio á familia do fundador do PS.
