Acocorar.- (Á marxe doutros significados) Agarimar, adormecer no colo unha criatura. Exemplo: “Todas as noites acocoraba a filla cunha canción dos seus avós”.
Lugar de escoita.- Escudeiros – Ramirás (Ourense)
Fonte.- Xoán Carlos Domínguez Alberte.
Acomorentar.- Aloumiñar, acariñar.
Exemplo: "A avoa non para de acomorentar a súa netiña".
Lugar de escoita.- Parroquia de Son (Navia de Suarna).
Fonte.- Raquel, membro activo de Endl Navia de Suarna.
Anicrén.- Nicrén, meniño moi pequeno.
Exemplo: “Hai que mudar os cueiros do anicrén”.
Lugar de escoita.- Navia de Suarna.
Fonte.- Endl de Navia de Suarna (Rubén de Pol).
Currulo/a.- Emprégase para falar cos nenos con cariño e é doado que se empregue con diminutivo.
Exemplos: “Vén aquí, curruliño!”/ “Que curruliño me é!”
Lugar de escoita.- San Roque (Vigo).
Fonte.- Begoña Caldas Rodríguez.
Pintado.- (Ademais de significados obvios) Dise do que semella moito a alguén, cuspido.
Exemplo: “Este neno é o seu pai pintado”.
Lugar de escoita.- Burela (A Mariña luguesa).
Fonte.- Mario Ferreira López.
Rebixe.- (Ademais de significados xa rexistrados) 1. Remuíño do cabelo.
Exemplo: “Non son quen de peitear este neno, tenche unha rebixe na fronte”.
2. Bulebule, que non ten parada.
Exemplo: “Sempre che foi unha rebixe, nin de vella acouga”.
Lugar de escoita.- Burela.
Fonte.- Mario Ferreira López.
Rechinar.- O xogar dos nenos facendo travesuras.
Lugar de escoita.- Xuño, Caamaño, Queiruga, San Pedro, Porto do Son, Oleiros, Ribeira e Corrubedo.
Fonte.- José Antonio Brión.
Palabras con Memoria é unha sección que coordena a Asociación de Escritoras e Escritores en Lingua Galega. Todo o material podes consultalo aquí.
Se queres achegar algunha palabra que non apareza nos dicionarios, dirixe as túas propostas ao correo palabra.con.memoria@