Aínda que a nova foi dada por Luís Villares o sábado, o máis que probábel candidato de En Marea á presidencia da Xunta, Xosé Manuel Beiras vén de confirmar este domingo através da súa conta na rede social Twitter que non concorrerá ás primarias e que dá por "rematado" o seu "periplo" parlamentar.
Villares asegurara nunha entrevista que contaba co aval de Beiras e que lle constaba que este non ía ser candidato aos comicios de setembro. Beiras veu confirmar hoxe esa información.
Hoxe presentarei o meu aval á candidatura de @VillaresLuis Dou tamén por rematado o meu periplo parlamentario. Estou cumprido. #haimarea
— Xosé Manuel Beiras (@xmBEIRAS) 07 agosto 2016